დიგორხან დადიშქელიანი

ჩუბეხევის (სვანეთი) მთავარი, ჩოლურის მფლობელის გარდაფხაძის ასული. მეუღლის - მოსოსტრის გარდაცვალების შემდეგ 1821-1843წწ. ჩუბეხევის ფაქტობრივი გამგებელი იყო. 1841 წლიდან კი მეფის არმიაში დაღუპული შვილის - ციოყის ექვს მცირეწლოვან შვილს მეურვეობდა. დადიშქელიანი რუსეთის ორიენტაციისა იყო. 1833 წელს მისი ინიციატივით ჩებეხევი რუსეთის ქვეშევრდომობაში შევიდა. დადიშქელიანი ძლიერი ნებისყოფის ენერგიული მმართველი იყო. 1843 წელს ეცერ-ცხუმარ-ბეჩოს მფლობელი თათარყან დადიშქელიანი თავს დაესხა სოფ. ფარს (დადიშქელიანის რეზიდენცია). დადიშქელიანი კარგა ხანს თავს იცავდა, ბოლოს ცეცხლმოკიდებული კოშკიდან გადმოხტა და დაიღუპა.

წყარო: ქართული საბჭოთა ენციკლოპედია: ტ.3.-თბ.,1978.-გვ.331