ნელი ღოლოძე-მახვილაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მსუბუქი მრეწველობის ფაკულტეტი 1968 წელს და მოსკოვის საფეიქრო ინსტიტუტის ასპირანტურა 1980 წელს.

1968-1974წწ. მუშაობდა თბილისის აბრეშუმის გაერთიანებაში, ხოლო 1974-1977წწ.-ქუთაისის პოლიტექნიკურ ინსტიტუტში. 1980-1987წწ. ის  საქართველოს საფეიქრო მრეწველობის სამეცნიერო-კვლევით ინსტიტუტში მუშაობდა. 1987 წელს მიენიჭა უფროსი მეცნიერ-მუშაკის სამეცნიერო წოდება. 1987 წლიდან  მუშაობს სამეცნიერო-ტექნიკური ინფორმაციის ინსტიტუტში შემდეგ თანამდებობებზე: განყოფილების გამგე, სწავლული მდივანი, დირექტორის მოადგილე, ხოლო 2006 წლიდან ნ. მახვილაძე ინსტიტუტის დირექტორია. 

ნელი მახვილაძე მრავალი სამეცნიერო შრომისა და მონოგრაფიის ავტორია, როგორც საბაზისო სპეცილობით, ასევე სამეცნიერო-ტექნიკური ინფორმაციის სფეროში, ხელმძღვანელობს საერთაშორისო და ადგილობრივ პროექტებს, მათ შორის: სამეცნიერო-ტექნოლოგიური პროგრამა, მეცნიერთა სწავლების პროგრამა ტექნოლოგიების კომეციალიზაციის სფეროში, გაერთიანებული სამეფოს საერთაშორისო დეპარტამენტის პროგრამა - "ბრიტანული წიგნები მენეჯერთათვის", 1999-200წწ. იყო აღნიშნული პროექტის მარკეტინკის რეგიონალური წარმომადგენელი საქართველოში. ის არის  "ტექინფორმში" რეალიზებული მრავალი პროექტის ხელმძღვანელი, მათ შორისაა: მეცნიერთა მიერ იმპაქტ-ფაქტორის მქონე ჟურნალებში გამოქვეყნებული შრომების რეფერატულ მონაცემთა ბაზის შექმნა შესაბამისი პროგრამული უზრუნველყოფის შემუშავებით; საქართველოს ზრდასრულთა საგანმანათლებლო ორგანიზაციების სასწავლო კურსების მონაცემთა ბაზა; სამხრეთ კავკასიის ქვეყნების პოლიტიკური პარტიების წინასაარჩევნო პროგრამების შედარებითი ანალიზ; მონაცემთა ბაზა-ადამიანის საარსებო გარემო: ატმოსფერო, წყალი, ნიადაგი(სამეცნიერო-ტექნიკური ინფორმაციის საერტაშორისო ცენტრი CRDF, 2005-2006)და სხვა მრავალი მნიშვნელოვანი პროექტი და პროგრამა. ინჟინერ-ფეიქარი.

ტექნიკის მეცნიერებათა დოქტორი (1980, მოსკოვი).

სადისერტაციო თემა - "აზოსაღებრების შუქმედეგობა პოლიამიდურ სუბსტრატზე".

წყარო: საქართველოს ინჟინერი ქალები.- თბილისი.-2008.- გვ.100-101

• საქართველოს ზრდასრულთა განათლების ასოციაცია, წევრი
• საქართველოს წიგნის გამომცემელთა და გამავრცელებელთა ასოციაცია, წევრი