ნარგიზა მაჭარაშვილი

დაბადების ადგილი: ქ. საჩხერე.

დაამთავრა საქართველოს სასოფლო-სამეურნეო ინსტიტუტის მექანიზაციის ფაკულტეტი 1958 წელს და ასპირანტურა 1964 წელს.

1958-1961წწ. მუშაობდა სპეციალურ საკონსტრუქტორო ბიუროში ჯერ ტექნიკოსად, შემდეგ ინჟინერ-კონსტრუქტორად. 1964 -1984წწ.  საქართველოს მეცნიერებათა აკადემიასთან არსებულ კ. ამერეჯიბის სახელობის მექანიზაციისა და ელექტროფიკაციის სამეცნიერო კვლევით ინსტიტუტში სამთო ენერგეტიკის  განყოფილებაში უფროსი მეცნიერ-თანამშრომლია. 1984 წლიდან "საქაგრომანქანაში" დაიწყო მუშაობა ინფორმაციისა და საპატენტო ძიების განყოფილებაში უფროს მეცნიერ-თანამშრომლად, ხოლო 1992 წლიდან სწავლული მდივნის თანამდებობა უკავია. გამოქვეყნებული აქვს 30-ზე მეტი სამეცნიერი ნაშრომი. ის ერთი რაციონალიზატორული წინადადების და სამი გამოგონების ავტორია. მიღებული აქვს მთავრობის მედლები და სიგელები. ტექნიკის მეცნიერებატა კანდიდატი (1965).

წყარო: საქართველოს ინჟინერი ქალები.- თბილისი.-2008.- გვ. 102-103; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.246

• 1999 - ღირსების მედალი
  სასოფლო - სამეურნეო მანქანათმშენებლობის დარგის განვითარებაში, საქართველოს აგროსამრეწველო კომპლექსის სპეციალიზებული სატრაქტორო და სასოფლო - სამეურნეო ტექნიკით უზრუნველყოფაში შეტანილი პირადი დიდი წვლილის, ნაყოფიერი სამეურნეო და საზოგადოებრივი საქმიანობისათვის
• მედალი "შრომითი მამაცობისთვის"