ალეკო კაკულია

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს, მოსკოვის სახალხო მეურნეობის მართვის საკავშირო ინსტიტუტი 1985 წელს.

1963-1966წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N6 სამშენებლო სამმართველოში ოსტატად, სამუშაოთა მწარმოებლად, უფროსის მოადგილედ; 1966 წლიდან საქართველოს ახალგაზრდული ორგანიზაციების კომიტეტის რეფერენტი იყო, მუშაობდა საქართველოს კომკავშირის ცენტრალურ კომიტეტში ინსტრუქტორად, სექტორის გამგედ; 1971-1984წწ. გადაყვანილ იქნა საქართველოს კომპარტიის ცენტრალური კომიტეტის საქმეთა მმართველობაში, სოფლის მეურნეობის, მელიორაციისა და წყალთა მეურნეობის განყოფილებებში ინსტრუქტორად; 1984 წლიდან იყო რესპუბლიკური გაერთიანება "საქკოლმშენის" თავმჯდომარის მოადგილე (1986-1989წწ.); 1991 წელს არჩეულ იქნა საქართველოს რესპუბლიკური გაერთიანება "საქსოფლმშენკომპლექსის" თავმჯდომარის მოადგილედ; წლების განმავლობაში პროფესიულ საქმიანობასთან ერთად ეწეოდა საზოგადოებრის საქმიანობასაც: 1965 წლიდან ხელმძღვანელობდა საქართველო-ჩეხეთის კულტურულ-ეკონომიკური ურთიერთობის საზოგადოებას; იყო ქართული ფეხბურთის განვითარებისა და აღორძინების ფონდის პრეზიდენტი, საქართველოს არქიტექტორთა და მშენებელთა საენციკლოპედიო-საგამომცემლო ფონდის თავმჯდომარე, ყოველთვიურ გაზეთ "აღმშენებლობის მემატიანეს" მთავარი რედაქტორი; 1995 წლიდან იყო ს/ს "ვარძიის" ვიცე-პრეზიდენტი და ს/ს "გორგასლის" სამეთვალყურეო საბჭოს წევრი; 2000-იანი წლების დასაწყისში მონაწილეობდა კონსორციუმ "ბრიტიშ პეტროლიუმის" სამშენებლო სამუშაოებში, როგორც ქვემოიჯარადრე ფირმის ხელმძღვანი; 2015 წელს არჩეულ იქნა შპს "საქსოფლმშენკომპლექსის" თავმჯდომარედ და მის ხელმძღვანელად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.271; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.291

• მწერალთა კავშირი, წევრი

• 2000 - ღირსების ორდენი
• საქართველოს დამსახურებული ინჟინერი