ალიოშა კაკუშაძე

დაბადების ადგილი: სოფელი პატრიკეთი, წყალტუბოს რაიონი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი; საქართველოს ინდუსტრიული ინსტიტუტი ხიდებისა და გვირაბების მშენებლობის სპეციალობით 1932 წელს.

იყო ათობით ობიექტის უშუალო დამპროექტებელი, დაპროექტების მონაწილე და ხელმძღვანელი; როგორც მეცნიერსა და მკვლევარს, გამოქვეყნებული აქვს 100-ზე მეტი სამეცნიერო ნაშრომი, მათ შორის არაერთი სახელმძრვანელო უმაღლესი ტექნიკური სასწავლებლებისათვის და ათობით მნიშვნელოვანი მონოგრაფია, ძირითადად დრეკადობის თეორიაში; შესრულებული აქვს 50-ზე მეტი კვლევის სამეცნიერო-ტექნიკური ანგარიში მათი შედეგების წარმოებაში დანერგვით; წლების განმავლობაში იყო საქართველოს პოლიტექნიკური ინსტიტუტის სამშენებლო ფაკულტეტის დეკანი, მასალათა გამძლეობისა და დრეკადობის თეორიის კათედრის გამგე, 60-ზე მეტი საკანდიდატო და სადოქტორო დისერტაციის ხელმძღვანელი, კონსულტანტი; საქმიანი ურთიერთიობა ჰქონდა ჩეხოსლოვაკიის, ავსტრიის, გერმანიის, პოლონეთისა და ბულგარეთის სამეცნიერო-კვლევით ორგანიზაციებთან; იყო არაერთი საერთაშორისო, საკავშირო და რესპუბლიკური კონფერენციებისა და სიმპოზიუმების მონაწილე, 12 სამეცნიერო-ტექნიკური კომიტეტის (საბჭოთა კავშირის მასშტაბით) და რესპუბლიკური სამეცნიერო საბჭოს წევრი დაჯილდოებულია საერთაშორისო სამეცნიერო-ტექნიკური უნივერსიტეტების მედლებითა და საქართველოს უმაღლესი საბჭოს პრეზიდიუმის საპატიო სიგელებით; ინჟინერ-მშენებელი, კონსტრუქტორი, სამშენებლო მექა­ნიკის ქართული სკოლის ერთ-ერთი და­მაარსებელი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.273; საქართველო: ენციკლოპედია: ტ. IV. -თბ., 2018.-გვ. 480

• ივანე ჯავახიშვილის სახელობის მედალი
• შრომის წითელი დროშის ორდენი

• დრეკადობის და პლასტიკურობის თეორია (ავტორი) // ნაწ.2. - თბილისი, ცოდნა, 1959. - 331გვ.
• დრეკადობის და პლასტიკურობის თეორია (ავტორი) // ნაწ.1. - თბილისი, ცოდნა, 1958. - 359გვ.
• ნაგებობათა სიმტკიცის მარაგის კოეფიციენტი (თანაავტორი). - თბილისი, ტექნიკა და შრომა, 1955. - 103გვ.