ელენე კალანდაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1960 წელს.

მუშაობა დაიწყო საპროექტო ინსტიტუტ "საქსოფლსახპროექტში" უფროს არქიტექტორად; მუშაობდა თბილისის ზონალურ ს/კ, ტიპური და ექსპერიმენტული პროექტების ინსტიტუტში ("თბილზნიიეპი"), სექტორის ხელმძღვანელად, საქართველოს კულტურის სამინისტროს ძეგლთა დაცვის მთავარ სამმართველოში ("საქმთავარძეგლთადაცვა") განყოფილების გამგედ; 1991-1997წწ. მუშაობდა საქართველოს ტექნიკური უნივერსიტეტის არქიტექტურის ინსტიტუტის დირექტორის მოადგილედ, არქიტექტურული გეგმარების კათედრის გამგის მოადგილე, სტუ-ს მეთოდური საბჭოს წევრი, ინსტიტუტის მეთოდკომისიის თავმჯდომარე; არის საერთაშორისო ღონისძიებების მონაწილე თბილისში, მოსკოვში, ლენინგრადში, კიევში, ერევანში, ბაქოსა და ტაშკენტში; მისი ნამუშევრებია: ტიპობრივი პროექტების კომპლექსური სერია სოფლად მშენებლობისათვის ამიერკავკასიაში - საბავშვო ბაგა-ბაღები (I პრემია), ახალგაზრდული ცენტრი თბილისში (ლ. მელიქიშვილთან ერთად - სპეციალური დიპლომი), ადმინისტრაციული შენობა ანასეულში, საბავშვო ბაგა-ბაღი (ტიპური პროექტები სხვადასხვა ტევადობის და ფუნქციური დატვირთვის) სოფლად მშენებლობისათვის ამიერკავკასიის და შუა აზიის რესპუბლიკების ტერიტორიულ ზონაში. არის არქიტექტურის მეცნიერებათა კანდიდატი 1976 წლიდან.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.274

• არქიტექტორთა კავშირი, თავმჯდომარის მოადგილე
• არქიტექტორთა კავშირი, მდივანი
• არქიტექტორთა კავშირი, წევრი (1970-)
• ურბანისტიკის ასოციაცია, წევრი