ნინო მსხილაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მშენებლობის ფაკულტეტი 1980 წელს და სამშენებლო წარმოების ტექნოლოგიის კათედრის ასპირანტურა 1994 წელს.

1980-1991წწ. მუშაობდა "საქქალაქმშენსახპროექტში" ინჟინერ-კონსტრუქტორად. 1992 წლიდან ეწევა სამეცნიერო-პედაგოგიურ მოღვაწეობას საქართველოს ტექნიკური უნივერსიტეტის სამშენებლო ფაკულტეტის სამშენებლო წარმოების ტექნოლოგიის კათედრაზე ჯერ ასისტენტად დაიწყო მუშაობა, შემდეგ მასწავლებელი; საკანდიდატო დისერტაციის დაცვის შემდეგ მიენიჭა ტექნიკურ მეცნიერებათა კანდიდატის სამეცნიერო ხარისხი და იყო ჯერ ასოცირებული პროფესორი, მერე კი პროფესორი; არის უნივერსიტეტის წარმომადგენლობითი საბჭოს წევრი; 1995 წლიდან სხვადასხვა საპროექტო ორგანიზაციებში მუშაობს, როგორც მოწვეული სპეციალისტი; არის შპს "მშენექსპერტის" ტექნიკური მენეჯერი; ავტორია 80-მდე სამეცნიერო ნაშრომის. მათ შორის: 10 სახელმძღვანელოს სამშენებლო ფაკულტეტის სტუდენტებისათვის, 2-ის პროფესიულ-ტექნიკური განათლებისკოლეჯებისთვის, 2-ის პროფესიულ-საკვალიფიკაციო ცენტრის სამშენებლო სპეციალობებისათვის; ასევე 3 მეთოდური მითითების, 4 დამხმარე და 1 სახელმძღვანელო ნაშრომის და 2 მონოგრაფიის; ტექნიკურ უნივერსიტეტში მუშაობის პარალელურად, როგორც ინჟინერ-კონსტრუქტორი, ნაყოფიერად თანამშრომლობს სხვადსხვა სამშენებლო ფირმასთან. არის საქართველოს დამსაქმებელთა ასოციაციის მიწვეული ექსპერტი, სამშენებლო აკადემიის მრჩეველი, ინჟინერ-მშენებელი, ტექნიკის მეცნიერებათა კანდიდატი, აკადემიური დოქტორი, ასოცირებული პროფესორი.

სადისერტაციო თემა - "ნაგებობათა ღუნვადი ელემენტების გაძლიერების ახალი ტიპის შპენგელური კონსტრუქციების მონტაჟის ტექნოლოგია".

წყარო: საქართველოს ინჟინერი ქალები.- თბ.,2008.- გვ. 114-115; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 205-206

• საქართველოს საინჟინრო აკადემია, წევრ-კორესპონდენტი

• ბუნებრივი კალთების და მიწის ნაგებობების ფერდოების მდგრადობის უზრუნველყოფის ახალი ტექნოლოგიური გადაწყვეტები : მონოგრაფია (თანაავტორი). - თბილისი, სტუ, 2013. - 155გვ.. - ISBN: 978-9941-20-323-7
• ქვის წყობის ტექნოლოგია : დამხმ. სახელმძღვ. სამშენებლო სპეც. სტუდ. (თანაავტორი). - თბილისი, სტუ, 2009. - 43გვ.. - ISBN: 978-9941-14-705-0
• ზედაპირთა მოპირკეთების და შემინვის სამუშაოების ტექნოლოგია : დამხმ. სახელმძღვ. სამშ. სპეც. სტუდ. (თანაავტორი). - თბილისი, სტუ, 2009. - 36გვ.. - ISBN: 978-9941-14-706-7
• ეტალონური პროექტი სამშენებლო კონსტრუქციების მონტაჟზე : სახელმძღვ. სამშენებლო ფაკ. სტუდ. (თანაავტორი). - თბილისი, სტუ, 2006. - 56გვ.. - ISBN: 99940-56-13-1