ბუჭუტა კანდელაკი

დაბადების ადგილი: სოფელი კულაში, სამტრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1947 წელს.

1941-1946წწ. მსახურობდა საბჭოთა არმიის რიგებში; 1947-1965წწ. მუშაობდა საპროექტო ინსტიტუტ "საქსოფმშენსახპროექტის" ინჟინრად, განყოფილების უფროსად; 1966-1967წწ. იყო რესპუბლიკური გაერთიანება "საქფრინველმრეწვის" უფროსის მოადგილე მშენებლობის დარგში; 1967-1974წწ. საქართველოს სასოფლო მშენებლობის სამინისტროს N6 სამშენებლო ტრესტის მთავარი ინჟინერი, ტრესტის მმართველი, მინისტრის მოადგილე; 1974-1984წწ. მუშაობდა რესპუბლიკური გაერთიანება "საქკოლმეურნმშენის" თავმჯდომარედ; დიდია მისი დამსახურება ისეთი მნიშვნელოვანი ობიექტების დაპროექტებასა და მშენებლობაში, როგორებიცაა: კოდის, გამარჯვების მეფრინველეობის ფაბრიკები, კორბოულის და აბაშის მეცხოველეობის კომპლექსები, კრწანისისა და კინდღის სასათბურე მეურნეობები, საცხოვრებელი სახლები, ადმინისტრაციული შენობა-ნაგებობები, ასევე სამრეწველო დანიშნულების ობიექტები; დაჯილდოებულია რამდენიმე საბრძოლო და შრომითი დამსახურების მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.278

• საქართველოს დამსახურებული ინჟინერი
• საპატიო ნიშნის ორდენი
• წითელი დროშის ორდენი