ლია მუხაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამშენებლო ფაკულტეტი 1953 წელს და ასპირანტურა 1956 წელს.

1953-1956წწ. მუშაობდა "სახსახპროექტში"ინჟინერ-კონსტრუქტორის თანამდებობაზე. 1956 წელს მუშაობა დაიწყო სამშენებლო მექანიკის ინსტიტუტში უმცროს მეცნიერ-თანამშრომლად, 1961 წელს უფროს მეცნიერ-თანამშრომლად გადაიყვანს, ხოლო 1970 წელს ინსტიტუტის გამოყენებითი დრეკადობის თეორიის განყოფილების გამგედ დაინიშნა. ლ. მუხაძე 100-მდე მეცნიერული ნაშრომის, მათ შორის სამი მონოგრაფიის ავტორია. ინჟინერ-მშენებელი. ტექნიკის მეცნიერებათა კანდიდატი (1961), ტექნიკურ მეცნიერებათა დოქტორი (1994), პროფესორი(1995); ამერიკის ბიოგრაფიული საზოგადოების მიერ აღიარებულია 2000 წლის საუკეთესო მეცნიერ ქალად.

წყარო: საქართველოს ინჟინერი ქალები.- თბ.,2008.- გვ.117-118; საქართველოს არქიტექტორთა და მშენებელთა ენციკლოპედია. -თბ., 2017.-გვ.437; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.187

• საქართველოს საინჟინერო აკადემია, წევრ-კორესპოდენტი (2005-)

• 2000 - ღირსების ორდენი
• საქართველოს დამსახურებული ინჟინერი
• შრომის ვეტერანი