გიორგი კაპანაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1959 წელს.

მუშაობდა საქართველოს მშენებლობის სამინისტროს N8 სამშენებლო ტრესტში სამუშაოთა მწარმოებლად, მთავარ ინჟინრად, ტრესტის მმართველად; 1995 წლიდან სს "ჭიათურმშენის" გენერალური დირექტორია; მისი ხელმძღვანელობით ზესტაფონის ფეროშენადნობთა ქარხანაში აშენდა აგლომერაციის კომპლექსი და იაპონური სისტემის ღუმელები, ასევე, ჭიათურის "მარგანტრესტის" გამამდიდრებელი ფაბრიკა, საჩხერის ბამბის სართავი კომბინატი, საავადმყოფოები, სკოლები, საცხოვრებელი სახლები და სხვა მნიშვნელოვანი ობიექტები; სხვადასხვა დროს არჩეული იყო ჭიათურის სახალხო დეპუტატთა საქალაქო საბჭოს რამდენიმე მოწვევის დეპუტატად; დაჯილდოებულია საქართველოს უმაღლესი საბჭოს პრეზიდიუმის სიგელით და საიუბილეო მედლით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.279; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.314

• 1999 - ღირსების მედალი
  საქართველოს სამთო ქიმიური მრეწველობის განვითარებაში შეტანილი მნიშვნელოვანი წვლილისა და ნაყოფიერი მუშაობისათვის
• საპატიო ნიშნის ორდენი
• საქართველოს დამსახურებული ინჟინერი