სერგო ბასილია

დაბადების ადგილი: სოფელი სუფსა, ლანჩხუთის მუნიციპალიტეტი.

დაამთავრა ბათუმის საზღვაოსნო სასწავლებლის გემთმექანიკური განყოფილება 1970 წელს.

მუშაობა დაიწყო საქართველოს საზღვაო სანაოსნოს ტანკერ «ადიგენზე»; ერთხანს პროფესიის შეცვლა და იურისტობა გადაწყვიტა, დაუსწრებლად სწავლობდა კიდეც კიევის სახელმწიფო უნივერსიტეტის იურიდიულ ფაკულტეტზე, თუმცა მაინც ზღვის სიყვარულმა გადასძალა და ისიც "ზღვას შემორჩა", თეორიული ცოდნის მისაღებად კი ნოვოროსიისკის უმაღლეს საზღვაო-საინჟინრო სასწავლებელში ჩაირიცხა. მომდევნო წლებში გემთმექანიკოსად ცურავდა შორეული ნაოსნობის გემებზე: «Александр Корнейчук» -სა და «Давид Бакрадзе»-ზე, 1988 წელს კი ხორვატიის სპლიტის გემთსაშენში სერგო ბასილიამ მონაწილეობა მიიღო საქართველოს საზღვაო სანაოსნოსათვის აგებული ახალი ტანკერის - «Григорий Орджоникидзе»-ს მიღებასა და ექსპლუატაციაში გაშვებაში. 1990 წელს, უკვე გამოცდილმა გემთ ინჟინერმა საქმიანობა საზღვარგარეთ განაგრძო და 1995 წლამდე  ტანზანიაში მოქმედი სანაოსნო კომპანიის წყალქვეშა ფრთიანი სამგზავრო გემების «Kitmir»-ისა და «Alamdar»-ის უფროსი მექანიკოსის მოვალეობებს ასრულებდა. სამშობლოში დაბრუნების შემდეგ სერგო ბასილია  სხვადასხვა უცხოური სანაოსნო კომპანიის: "Queensway Navigation"-ის, "ABC Maritime"-ს, "Columbia Shipmanagement"-ისა და "Eastwind"-ის გემებზე, ძირითადად ყოფილ «Давид Бакрадзе»-ზე, იმჟამად უკვე სახელებ გადარქმეულ «Bakradze»-ზე, მოგვიანებით «Lake Lisi»-ზე და «Amundsen Wind»-ზე საქმიანობდა. 2010 წლიდან  შორეული ნაოსნობის უფროს მექანიკოსად ცურავდა იგი ტანკერებზე «Veres»-ი და «Stacia» (ყოფილი «გ. ორჯონიკიძე»), ბალკერზე «B India» (2011), კვლავ ტანკერებზე: «Kristen», «Hamon», «Tamar» და სხვა. შორეული ნაოსნობის გემების მოქმედი უფროსი ინჟინერ-გემთმექანიკოსი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com