ენვერ კაპბა

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1962-1967 წწ. მუშაობდა საქართველოს მშენებლობის სამინისტროს N6 სამშენებლო ტრესტის N2 სამშენებლო სამმართველოს უფროსად ქ. გაგრაში და ტრესტ "ბიჭვინთმშენის" N5 სამშენებლო სამმართველოს უფროსად; 1967-1969წწ. გაგრის საქალაქო საბჭოს აღმასკომის თავმჯდომარედ; 1970-1975წწ. იყო ბიჭვინთის მაღლივი პანსიონატების კომპლექსის საკავშირო მნიშვნელობის საკურორტო გაერთიანების დოქტორი; 1975-1980წწ. - საქართველოს პროფკავშირების რესპუბლიკური საბჭოს მდივანი; 1980 წელს არჩეულ იქნა საქართველოს კომპარტიის გაგრის საქალაქო კომიტეტის პირველ მდივნად; 1986 წელს გადაიყვანეს საქართველოს კომპარტიის ცენტრალური კომიტეტის ვაჭრობისა და საყოფაცხოვრებო მომსახურების განყოფილების გამგედ; 1980-1990წწ. იყო საქართველოს კომპარტიის ცკ-ს სოციალურ-ეკონომიკური განყოფილების გამგე; 1990 წლიდან იყო აფხაზეთის ავტონომიური რესპუბლიკის მინისტრთა საბჭოს თავმჯდომარის მოადგილე; მიღებული ჰქონდა სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.280