გიორგი ჩაჩანიძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია 1989 წელს.

1993-1994წწ. მუშაობდა ქართული ფოლკლორის მოსწავლეთა სასახლეში ხატვის წრის ხელმძღვანელად; 1994-2006წწ. საქართველოს ტექნიკური უნივერსიტეტის არქიტექტურის ფაკულტეტის სახვითი ხელოვნების კათედრის ხატვის მასწავლევლად, ამავე კათედრის დოცენტი (2005), ასოცირებული პროფესორი (2006); 2007 წლიდან მუშაობს საქართველოს სამხატვრო აკადემიის, სახვითი ხელოვნების ფაკულტეტის, ხატვის მიმართულებაზე ხატვის პედაგოგად. 2014 წლიდან ამავე აკადემიის პროფესორია. პერსონალური გამოფენები: გალერეა უნივერსი (2004), საქართველოს ეროვნული ბიბლიოთეკა (2010), თბილისის სახელმწიფო სამხატვრო აკადემიის ჰოლი (2014), დ. შევარდნაძის სახელობის ეროვნული გალერეა (2024). 1993 წლიდან მონაწილეობა აქვს მიღებული არაერთ ჯგუფურ გამოფენაში.1990 წლიდან თანამშრომლობს მხატვარ-ილუსტრატორად შემდეგ გამომცემლობებთან: ჩვენი მწერლობა, ომეგა, კრიმინალური ქრონიკა, დროშა, დილა, ბაკმი. 2009 წელს დასახელდა ჟურნალ "ჩვენი მწერლობის" წლის საუკეთესო მხატვრად. 2020 წელს იყო ნომინირებული ასტრიდ ლინდგრენის პრემიის მოსაპოვებლად.  2021 წელს გახდა ლაურეატი ნომინაციაში :  საუკეთესო ილუსტრაციები მხატვრული ლიტერატურისთვის წმინდა ტექსტები, ახალი აღთქმა, Vita Nova. მისი ნამუშევრები დაცულია კერძო კოლექციებში: საქართველო, გერმანია, რუსეთი, იტალია, ჰოლანდია.

წყარო: ახალი და უახლესი ქართული ვიზუალური ხელოვნების პორტალი https://art.gov.ge/

• საქართველოს მხატვართა კავშირი, წევრი (1997-)