ბონდო კახეთელიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1956 წელს.

1957-1967წწ. მუშაობდა რუსეთის ფედერაციასა (დაღესტანი, ჩეჩნეთ-ინგუშეთი, ყაბარდო-ბალყარეთი, სტავროპოლის მხარე) და უკრაინაში სხვადასხვა საპასუხისმგებლო თანამდებობებზე, საქართველოში - სამშენებლო-სამონტაჟო ტრესტ "კავკასელექტროქსელმშენის" სხვადასხვა სამმართველოში - მთავარ ინჟინრად; 1968 წელს მივლინებულ იქნა ეგვიპტის არაბთა რესპუბლიკაში, ასუანის კაშხლისა და მაღალი ძაბვის ელექტროგადამცემი ხაზების მშენებლობაზე; იყო სამშენებლო-სამონტაჟო ტრესტ "საქსოფლელქტრომშენის" მოძრავ-მექანიზებული კოლონის მთავარი ინჟინერი და უფროსი; უშუალოდ ხელმძღვანელობდა საქართველოს მთელ ტერიტორიაზე - ქართლში, რაჭაში, სვანეთში, სამეგრელოში, აფხაზეთსა და აჭარაში მცირე ძაბვის ელექტროგადამცემი ხაზების მშენებლობას და ასევე მიმდინარე აღდგენით სამუშაოებს აფხაზეთში (კონფლიქტის საომარი მოქმედების დროს); 1996-1999წწ. მუშაობდა სათბობენერგეტიკის სამინისტროს სააქციო საზოგადოება "ელექტროგადაცემის" N4 მოძრავ-მექანიზებული კოლონის სამეთვალყურეო საბჭოს თავმჯდომარედ; მიღებული ჰქონდა არაერთი სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.283-284

• საქართველოს დამსახურებული ინჟინერი