ნათელა ნიჟარაძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1964 წელს და ასპირანტურა 1970 წელს.

1964 წელს  თბილისის საშენ მასალათა სამეცნიერო-კვლევით ინსტიტუტში ცეცხლგამძლე მასალების ლაბორატორიაში ინჟინრის თანამდებობაზე დაიწყო მუშაობა. 1967-1970წწ.  სწავლობდა ასპირანტურაში, რომლის  დამთავრების შემდეგ, 1970 წელს ისევ ლაბორატორიაში გააგრძელა მუშაობა, ჯერ იყო უმცროსი მეცნიერ-თანამშრომელი, მერე უფროსი მეცნიერ-თანამშრომელი, წამყვანი მეცნიერ-თანამშრომელი, ხოლო 1998-2001წწ. ნ. ნიჟარაძეს ლაბორატორიის უფროსის თანამდებობა ეკავა. 2001 წლიდან ის  საქართველოს ტექნიკურ უნივერსიტეტში კომპოზიციური მასალებისა და ნაკეთობების ტექნოლოგიის კათედრაზე მუშაობს და ამ კათედრის ასოცირებული პროფესორია. გამოქვეყნებული აქვს 70-ზე მეტი სამეცნიერო შრომა, მათგან 12 გამოგონებაა, რამდენიმე მათგანი დანერგილია წარმოებაში. ინჟინერ-ტექნოლოგი, ტექნიკის მეცნიერებათა კანდიდატი(1973).

საკანდიდატო დისერტაციის თემა - "კაოლინის ბაზაზე სილიკოთემიტული მეთოდით ცეცხლგამძლეების მიღება და კვლევა".

წყარო: საქართველოს ინჟინერი ქალები.- თბ.,2008.- გვ.126-128

• მაღალი სიმძლავრის ჰეტერომოდულური კომპოზიტები (თანაავტორი). - თბილისი, სტუ, 2014. - 354გვ.. - ISBN: 978-9941-20-479-1