ვალერიან კედია

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1932 წელს.

1931-1933წწ. მუშაობდა პედაგოგად საქართველოს პოლიტექნიკურ ინსტიტუტში; 1933-1938წწ. თბილისის სამხატვრო აკადემიაში დოცენტად არქიტექტურის კათედრაზე; სხვადასხვა საპროექტო დაწესებულებებში ჯგუფის ხელმძღვანელად და ა. შ.; მისი ნამუშევრებია (დაგეგმარების პროექტები) - ზესტაფონის ცენტრის რეკონსტრუქცია, ჩხოროწყუს, ბოლნისის, ნატანების, რუსთავის მარცხენა ნაპირის, კურორტ წყალტუბოს, ბაკურიანის; დეტალური დაგეგმარება და განაშენიანება - ფოთის, წყალტუბოს, ბაკურიანის; სასტუმროები - ხონში, ლანჩხუთში, 315 ადგილზე ბაკურიანში; კულტურულ-დასასვენებელი სახლები ფოთში, ბაკურიანში; სანატორიუმები - გაგრაში, საქართველოს ადგილობრივი მრეწველობის სამინისტროს თანამშრომლებისათვის, მეტალურგების, უსინათლოთა საზოგადოების, გეოლოგების სამმართველოს - წყალტუბოში, ცაიშში; მუზეუმი ვარძიაში, სტუდენტური საერთო საცხოვრებელი თბილისში, თავისუფლების მოედნის რეკონსტრუქცია, ჰიდროტექნიკის და მელიორაციის სამეცნიერო-კვლევითი ინსტიტუტის რეკონსტრუქცია თბილისში, საუნივერსიტეტო კომპლექსი თბილისში (I პრემია), 200-ადგილიანი N9 სააბაზანო წყალტუბოში და სხვა; დაჯილდოებულია საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.286

• საქართველოს არქიტექტორთა კავშირი, წევრი
• საქართველოს არქიტექტორთა კავშირი, გამგეობის წევრი (1934-)

• წითელი დროშის ორდენი
• საქართველოს დამსახურებული ინჟინერი