ნუგზარ კეკენაძე

დაბადების ადგილი: სოფელი იქსისი, საჩხერის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1975 წელს.

1975-1992წწ. მუშაობდა საპროექტო ინსტიტუტ "კავგიპროტრანსში" ინჟინერ-კონსტრუქტორად გვირაბების განყოფილებაში; საქართველოს მშენებლობის სამინისტროს სამშენებლო გაერთიანება "თბილქალაქმშენის" მიწისქვეშა სამშენებლო სამონტაჟო ტრესტის: საწარმოო-ტექნიკური განყოფილების უფროსად, სამშენებლო სამმართველოს უფროსად, სამშენებლო ტრესტის მმართველის მოადგილედ, ტრესტის მთავარ ინჟინრად, ტრესტის მმართველად; 1992 წლიდან სააქციო საზოგადოება "თბილქალაქმშენის" ფილიალის დირექტორად; მნიშვნელოვანი წვლილი აქვს შეტანილი ქ. თბილისის ბინათმშენებლობის, საყოფაცხოვრებო, კულტსაგანმანათლებლო ობიექტების მშენებლობის საქმეში; მისი უშუალო მონაწილეობით აშენდა და კეთილმოეწყო ქ. თბილისის საცხოვრებელი მიკრორაიონები: გლდანი, ვაზისუბანი, ვარკეთილი, ვაშლიჯვარი, მუხიანი, ნუცუბიძის ფერდობი, დიდი დიღომი და სხვა; 1986-1988წწ. მონაწილეობა აქვს მიღებული ჩერნობილის ატომური სადგურის ავარიასთან დაკავშირებულ აღდგენით სამუშაოებში; 1991 წელს მიწისძვრით დაზიანებული რაიონების დაზიანებული შენობა-ნაგებობების აღდგენაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.286-287