დავლოტი კერესელიძე

დაბადების ადგილი: სოფელი ფარავნები, ონის რაიონი.

დაამთავრა ამიერკავკასიის სამიმოსვლო გზების ინჟინერთა ინსტიტუტის სამშენებლო ფაკულტეტი 1932 წელს; ამავე ინსტიტუტის ასპირანტურა 1936 წელს.

1936-194622. მუშაობდა ამიერკავკასიის სალიანდაგო მშენებლობის ტრესტში სამუშაოთა მწარმოებლად, უბნისა და თბილისის დისტანციის უფროსად; 1946-1959წწ. იყო თბილისის რკინიგზის ტრანსპორტის ინსტიტუტის და 1959 წლიდან საქართველოს პოლიტექნიკური ინსტიტუტის სამშენებლო ფაკულტეტის დოცენტი, პროფესორი, გრუნტების მექანიკისა და ფუძე-საძირკვლების კათედრის გამგე, სამშენებლო ფაკულტეტის დეკანის მოადგილე; არის 60-მდე სამეცნიერო ნაშრომის, მათ შორის უმაღლესი სასწავლებლებისთვის განკუთვნილი 5 სახელმძღვანელოს ავტორი, სამეცნიერო საბჭოს სწავლული მდივანი, გრუნტების მექანიკისა და საძირკვლების მშენებლობის საერთაშორისო საზოგადოების ასოციაციის წევრი და სადიპლომო კომისიის თავმჯდომარე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.287

• ფუძე-საძირკვლები : ფუძე-საძირკვლების ძირითადი სახეები (თანაავტორი) // წ.1. - თბილისი, ტექნიკური უნ-ტის გამ-ბა, 1999. - 131გვ.
• ფუძე-საძირკვლები : ხიმინჯები და ხიმინჯოვანი საძირკვლები (თანაავტორი) // წ.2 . - თბილისი, ტექნ. უნ-ტი, 1999. - 169გვ.
• გრუნტების მექანიკა და ფუძე-საძირკვლები (ავტორი). - თბილისი, ტექნიკური უნ-ტის გამ-ბა, 1997. - 232გვ.
• სადიპლომო დაპროექტება ფუძე-საძირკვლებში : დამხმ. სახელმძღვანელო (თანაავტორი). - თბილისი, ტექნიკური უნ-ტი, 1987. - 98გვ.
• გრუნტების მექანიკა, ფუძეები და საძირკვლები (ავტორი). - თბილისი, ტექნიკა და შრომა, 1957. - 468გვ.