ოთარ კერვალიშვილი

დაბადების ადგილი: სოფელი ზედა ჟოშხიში, ამბროლაურის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი მიმოსვლის გზათა მშენებლობის (საავტომობილო გზების) სპეციალობით 1974 წელს.

1975-1990წწ. მუშაობდა საქართველოს საავტომობილო გზების სამინისტროს საპროექტო ინსტიტუტ "საქსახგზაპროექტში" ინჟინრად, პროექტის მთავარ ინჟინრად, მაგისტრალური გზების განყოფილების უფროსად; 1990-2004წწ. საქართველოს საავტომობილო გზების დეპარტამენტის ექსპერტიზის ბიუროს, ექსპერტიზის სამმართველოს უფროსად; 2001 წლიდან არის საავტომობილო გზების დარგის დამოუკიდებელი ექსპერტი; 2005 წლიდან მუშაობს შპს "ექსპერტიზა, მშენებლობა, დიზაინის" დირექტორად; შრომითი მოღვაწეობის პერიოდში, როგორც პროექტის ავტორს და მთავარ ინჟინერს, მონაწილეობა აქვს მიღებული მთელი რიგი საავტომობილო გზების დაპროექტება-მშენებლობაში, როგორებიცაა: "საგარეჯო-უდაბნოს" (სიგრძით 55 კმ), "წნორი-ენამთა-საბათლო-ფიროსმანის" (0-33 კმ), "ჩოხატაური-ბახმაროს" (სიგრძით 53,5 კმ) და სხვა; 2006-2008წწ. განახორციელა ქ. მცხეთის ცენტრალური და შიდა გზების რეკონსტრუქცია-რეაბილიტაცია, ქ. მცხეთის ყოფილი ბიბლიოთეკის და N4 ბაგა-ბაღის რეაბილიტაცია, მცხეთის გარე განათების მოწყობა, სვეტიცხოვლის საკათედრო ტაძრის მიმდებარე ტერიტორიაზე არსებული ქვის საფარის რეკონსტრუქცია-რეაბილიტაცია და ა.შ.; 2007 წელს მისმა ფირმამ გაიმარჯვა საქართველოს საავტომობილო გზების დეპარტამენტის მიერ გამოცხადებულ კონკურსში "თბილისი-სენაკი-ლესელიძის" საავტომობილო გზის 87-ე კმ-ზე არსებული მეწყერის სტაბილიზაციისათვის მეწყერსაწინააღმდეგო ღონისძიებების შესახებ; გარდა საინჟინრო მოღვაწეობისა, ეწევა მნიშვნელოვან საზოგადოებრივ მოღვაწეობას; აქტიურად მონაწილეობს საქართველოს მშენებელთა ენციკლოპედიური ცნობარის, წიგნების "გამოჩენილი მშენებლები და ხუროთმოძღვრები" და სამეცნიერო-ტექნიკური, ინტელექტუალურ-საპატენტო, არქიტექტურულ-სამშენებლო, ფსიქოლოგიურ-სოციოლოგიური, ეკონომიკური და ეკოლოგიური ტერმინების მცირე განმარტებითი ლექსიკონის სარედაქციო კოლეგიების მუშაობაში; 2005 წლიდან არჩეულია საქართველოს ეროვნულ და სოციალურ ურთიერთობათა აკადემიის ნამდვილ წევრად - აკადემიკოსად; 2012 წლიდან არის რაჭის გადარჩენისა და განვითარების კავშირის თანათავმჯდომარე და სრულიად საქართველოს რაჭის რეგიონის განვითარების ფონდის თავმჯდომარე. 1990 წელს დაჯილდოვდა საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.287-288; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.270

• საქართველოს საინჟინრო აკადემია, წევრ-კორესპონდენტი

• 1998 - ღირსების მედალი
  ახალქალაქი-ნინოწმინდის საავტომობილო გზის მონაკვეთის მშენებლობის დადგენილ ვადაში დამთავრებისა და მკაცრ კლიმატურ პირობებში მაღალი პროფესიონალიზმის გამოვლენისათვის