ალექსანდრე ერქომაიშვილი

დაბადების ადგილი: სოფელი წითელმთა, ოზურგეთის მაზრა.

სწაალობდა თბილისის კომერციულ სასწავლებელში, სადაც ჩაება რევოლუციურ მოძრაობაში. მონაწილეობდა 1905-1907წწ. რევოლუციაში. 1907-1917წწ. გადასახლებული იყო ქ. კრასნოიარსკში; 1917 წლის თებერვლის რევოლუციის შემდეგ იყო კრასნოიარსკის მუშათა და ჯარისკაცთა დეპუტატების საბჭოს თავმჯდომარე; 1917 წლის მაისში თბილისში დაბრუნდა;  1918-1920წწ. მუშაობდა ცეკავშირში. ორი წლით მივლინებული იყო საზღვარგარეთ, სწავლობდა ბერლინის უნივერსიტეტში; გერმანიიდან დაბრუნების შემდეგ წარადგინა დისერტაცია - "მოგების პრობლემა კოოპერაციაში". საქართველოში საბჭოთა ხელისუფლების დამყარების შემდეგ იყო საქართველოს საბჭოთა სოციალისტური რესპუბლიკის სასურსათო საქმეთა სახალხო კომისარი, ამიერკავკასიის საფინანსო ინსტიტუტის დირექტორი, საქართველოს პედაგოგიური ინსტიტუტის რექტორი (1931-1932), უმაღლესი სასოფლო-სამეურნეო კომუნისტური სკოლის დირექტორი. დახვრიტეს 1937 წელს.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.95