რომან კერვალიშვილი

დაბადების ადგილი: სოფელი ზედა ჟოშხიში, ამბროლაურის რაიონი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი ინჟინერ-მექანიკოსის კვალიფიკაციით 1974 წელს; საქართველოს ცენტრალურ კომიტეტთან არსებული უნივერსიტეტი ინჟინერ-ეკონომისტის კვალიფიკაციით 1979 წელს.

ინსტიტუტის დამთავრების შემდეგ მუშაობდა საქართველოს მეცნიერებათა აკადემიის მართვის სისტემების ინსტიტუტში, სადაც მონაწილეობდა რუსთავის მეტალურგიული ქარხნის მილსაგლინავი საამქროს "დგან 400"-ზე ლითონის მილების დიამეტრის გაზომვის ავტომატური ხელსაწყოს შექმნასა და მის წარმოებაში დანერგვაში; აღნიშნული ხელსაწყოს შემქმნელმა კოლექტივმა მიიღო სახელმწიფო პრემია და დიდი წვლილი შეიტანა საკავშირო მასშტაბით მეტალურგიული მრეწველობის განვითარების საქმეში; 1982-1990წწ. მუშაობდა საქართველოს პოლიტექნიკური ინსტიტუტის სპეციალიზებულ ლაბორატორიაში, სადაც მონაწილეობდა უკონტაქტო ელექტრული ამძრავის მართვის სისტემის კონსტრუქციის შექმნაში, რომელიც დაინერგა თბილისის მართვის აპარატურის ქარხანაში "ელექტროაპარატი"; 1990-1995წწ. მუშაობდა საკავშირო აგრარულ ბიოტექნიკურ ინსტიტუტში; 1995-2004წწ. მუშაობდა საქართველოს საავტომობილო გზების სახელმწიფო დეპარტამენტის საგზაო საგადასახადო და საგზაო ფონდის სამმართველოში სხვადასხვა თანამდებობზე; 2004 წელს მან შექმნა და სათავეში ჩაუდგა შპს "ავტოგზახიდმშენს", რომელმაც 2004-2005წწ. განახორციელა ხაშურის რაიონის სოფ. ხალებთან და სოფ. წნორთან მდინარე მტკვარზე კიდული ხიდების დაპროექტება და მშენებლობა; ასევე ხარაგაულის რაიონში, სოფ. მოლითთან კიდული ხიდის დაპროექტება-მშენებლობა; ქ. მცხეთაში სვეტიცხოვლის საკათედრო ტაძრის მიმდებარე ტერიტორიაზე დაზიანებული საფარის რეაბილიტაციის საპროექტო დოკუმენტაციის დამუშავება და ა.შ. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.288-289