ბიძინა კვანტალიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი სამთო ინჟინრის კვალიფიკაციით 1955 წელს.

1955-1960წწ. მუშაობდა უკრაინაში, სტალონოს ოლქში, დონეცკის მაღაროთა სამმართველოშო სამთო ინჟინრად, ცვლის უფროსად, მაღაროს უფროსად; 1961 წლიდან მუშაობდა საქართველოს მშენებლობის სამინისტროს სამშენებლო-სამონტაჟო გაერთიანება "მთავართბილმშენის" N7 სამშენებლო სამმართველოში სამუშაოთა მწარმოებლად; 1965 წლიდან მუშაობდა საქართველოს კომუნალური მეურნეობის სამინისტროს სარემონტო-სამშენებლო სამმართველოში მთავარ ინჟინრად, ხოლო 1968 წლიდან სამმართველოს უფროსად; მისი მონაწილეობით აშენდა თითქმის ყველა სასტუმრო საქართველოს რეგიონებში; განხორციელდა საქართველოს წარმომადგენლობის რეკონსტრუქცია მოსკოვში, სსრკ მთავრობის დასასვენებელი სახლი მიუსერაში, საქართველოს კინემატოგრაფისტთა კავშირის სახლის რეკონსტრუქცია და საქართველოს უმაღლესი სასამართლოს შენობის რეკონსტრუქცია თბილისში; ფოთის წყალსათხილამურო ბაზა; 1991-1992წწ. მთავრობის სახლის რეკონსტრუქცია-რემონტი, მწერალთა სახლის რეკონსტრუქცია, მოზარდ-მაყურებელთა რუსული თეატრის შენობა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.289; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.205

• 2001 - ღირსების ორდენი
• 1983 - საქართველოს დამსახურებული ინჟინერი
• საპატიო ნიშნის ორდენი
• შრომის წითელი დროშის ორდენი