გიორგი კვანტალიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1960-1974წწ. მუშაობდა საწარმოო გაერთიანება "თბილგაზის" სამშენებლო  სამმართველო "თბილგაზმშენში" ოსტატად, სამუშაოთა მწარმოებლად, კაპმშენებლობის სამმართველოს საქალაქო მეურნეობის მშენებლობის განყოფილების უფროსად; 1974-1975წწ. ხელმძრვანელობდა თბილისის ივ. ჯავახიშვილის სახელობის სახელმწიფო უნივერსიტეტისა და საქართველოს პოლიტექნიკური ინსტიტუტის მშენებლობის დირექციას; 1970-1972წწ. საქართველოს მშენებლობის სამინისტროს ტრესტ "ორგტექმშენს", 1982-1986წწ. ამავე სამინისტროს ცენტრალურ სამეცნიერო-საკვლევ სადგურს; 1986-1996წწ. იყო საქართველოს აგროსამრეწველო სახელმწიფო კომიტეტის სამშენებლო გაერთიანება "აგრომშენის" მშენებარე ობიექტების დირექციის დირექტორი; 1996-2000წწ. საქართველოს პარლამენტთან არსებული აუდიტორული საბჭოს კადრების განყოფილების უფროსი; ვეტერანთა და პენსიონერთა პროფკავშირების ვაკე-საბურთალოს განყოფილების თავმჯდომარე; არის სამეცნიერო პუბლიკაციების ავტორი. აფხაზეთის ომის მონაწილე (1992), ორი მედლის კავალერი, ტექნიკის მეცნიერებათა კანდიდატი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.289-290