ალექსანდრე ტატიშვილი

დაამთავრა ხაშურის გიმნაზია.

გიმნაზიის დამთავრების შემდეგ გაემგზავრა პეტროგრადში, ჩაირიცხა უნივერსიტეტში ფიზიკა-მათემატიკის ფაკულტეტზე. სწავლა ვერ დაამთავრა, რადგან ოქტომბრის რევოლუციამ მოუსწრო; დაბრუნდა საქართველოში, ასწავლიდა ხაშურის გიმნაზიაში, იყო ეროვნული გვარდიის აქტიური წევრი; მონაწილეობდა გვარდიის ყველა ოპერაციაში; ასრულებდა მნიშვნელოვან პარტიულ დავალებებს; გასაბჭოების შემდეგ რჩება საქართველოში და აგრძელებს პარტიულ საქმიანობას; 1928 წლიდან ემიგრაციაშია. აქტიურად თანამშრომლობდა სოციალ-დემოკრატიული პარტიის საზღვარგარეთულ ბიუროში; იყო ნოე ჟორდანიას მიერ დაარსებული გაზეთის – "ბრძოლის გზის" ერთერთი რედაქტორი და ამავე გაზეთის მბეჭდავი; გარკვეული დროით ასრულებდა ლევილის მამულის გამგეობის ხაზინადარის მოვალეობას; იყო სოციალ-დემოკრატიული პარტიის პარიზის ორგანიზაციის თავმჯდომარე, ეროვნული გვარდიის წევრი.

წყარო: დიასპორის საკითხებში საქართველოს სახელმწიფო მინისტრის აპარატი: diaspora.gov.ge