ილია კვარაცხელია

დაბადების ადეგილი: სოფელი სუფსა, ლანჩხუთის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1950 წელს.

1950-1955წწ. მუშაობდა უკრაინაში, ოდესა-კიშინიოვის რკინიგზის ერთ-ერთ სარკინიგზო-სამშენებლო ორგანიზაციაში სამუშაოთა მწარმოებლად, უბნის უფროსად, სამმართველოს მთავარ ინჟინრად; 1956-1960წწ. იყო საქართველოს მშენებლობის სამინისტროს სამშენებლო გაერთიანება "მთავართბილმშენის" N9 სამშენებლო სამმართველოს უფროსი სამუშაოთა მწარმოებელი; 1960-1977წწ. ხელმძღვანელობდა "მთავართბილმშენის" N1 და N9 სამშენებლო და თბილისის სარაიონთაშორისო კაპიტალური მშენებლობის სამმართველოებს; მონაწილეობდა თბილისის რიგი მნიშვნელოვანი ობიექტების, მათ შორის, სასტუმრო "ივერიის", მეცნიერებათა აკადემიის ცენტრალური ბიბლიოთეკის, ვაკის საცურაო აუზის, ქორწინების სასახლის, საცხოვრებელი მასივებისა და სხვა კულტურულ-საყოფაცხოვრებო ობიექტების მშენებლობაში; არჩეული იყო ქ. თბილისის საქალაქო საბჭოს დეპუტატად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.291

• საქართველოს დამსახურებული ინჟინერი