რევაზ კვარაცხელია

დაბადების ადგილი: ქ. წალენჯიხა.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლობის სპეციალობით 1972 წელს.

1972-1984წწ. მუშაობდა საქართველოს საავტომობილო გზების სამინისტროს N1 საგზაო სარემონტო-სამშენებლო სამმართველოში, მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად, საწარმოო ტექნიკური განყოფილების უფროსად; 1984 წლიდან მუშაობს იმავე სამინისტროს N13 საგზაო საექსპლუატაციო უბნის უფროსად, შემდეგ კი სამმართველოს უფროსად; არის 1999 წელს მისივე თაოსნობით დაფუძნებული (ქ. ფოთში) შეზღუდული პასუხისმგებლობის საზოგადოება "გზა-მშენებელი-13"-ს გენერალური დირექტორი; მისი ხელმძღვანელობით შესრულებულია საერთაშორისო და შიდასახელმწიფოებრივი მნიშვნელობის საავტომობილო გზების "სენაკი-ფოთი-სარფის", "სამტრედია-ლანჩხუთი-გროგოლეთის", "ჭალადიდი-ხორგა-ხობის", "შუა ხორგა-ყულევის" სამშენებლო სამუშაოები; ასევე განხორციელდა სახიდე გადასასვლელების, ნაპირსამაგრი ნაგებობების, ტექნიკური დანიშნულების შენობა-ნაგებობების, საკარიერო მეურნეობის ქარხანა-ბაზების მშენებლობა და არსებული გზების სარეაბილიტაციო სამუშაოები; დაჯილდოებულია საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.292

• მეგზევეთა კავშირი, წევრი
• ფაზისის მეცნიერებათა აკადემია, ნამდვილი წევრი (2008-)

• ღირსების მედალი