ნიკოლოზ კვეზერელი-კოპაძე

დაბადების ადგილი: ქ. თბილისი.

1907 წელს თბილისის პირველი კლასიკური გინმაზიის დამთავრების შემდეგ, სწავლა განაგრძო სანკტ-პეტერბურგის პოლიტექნიკური ინსტიტუტის სამშენებლო ფაკულტეტზე რკინიგზის ტრანსპორტის სამიმოსვლო გზების მშენებლობის სპეციალობით.

ინსტიტუტის დამთავრების შემდეგ ბრუნდება საქართველოში; 1915-1918წწ. გაწვეულ იქნა ჯარში (პირველი მსოფლიო ომი), მსახურობდა სამხედრო სარკინიგზო ლეგიონში, კავკასიის ფრონტზე, სამხედრო რკინიგზების მშენებლობაზე; 1916 წელს დაინიშნა კავკასიის ფრონტის სამხედრო რკინიგზის განყოფილების უფროსად მშენებლობის დარგში; 1920-1921წწ. მუშაობდა საქართველოს სამხედრო გზის მშენებლობის უფროსად; 1925 წლიდან იყო საქართველოს გზატკეცილების მთავარ სამმართველოში სხვადასხვა საპასუხისმგებლო თანამდებობებზე; ხელმძღვანელობდა სტრატეგიული მნიშვნელობის გზების მშენებლობებს - საქართველოს სამხედრო გზა, "თბილისი-ბოლნისი-სომხეთის საზღვარი", "თბილისი-მანგლისი", "თეთრიწყარო-წითელი ხიდი" და სხვა; 1937-1939წწ. იყო რეპრესირებული; გადასახლებაში ყოფნისას მუშაობდა "ბელომორ-ბალტიის" კომბინატის გზათა მშენებლობაზე ინჟინრად, სამმართველოს უფროსად; რეაბილიტაციის შემდეგ თბილისის საგზაო ტოპოგრაფიულ ტექნიკუმში ეწეოდა სამეცნიერო-პადაგოგიურ მოღვაწეობას; დიდი ღვაწლი მიუძღვის საქართველოში საავტომობილო გზების, ხიდებისა და ხელოვნურ ნაგებობათა მშენებლობის განვითარების საქმეში; იყო 45 სამეცნიერო ნაშრომისა და 11 მონოგრაფიის ავტორი, მათ შორის: "მცხეთის ძველი ხიდი", "გატეხილი (წითელი) ხიდი", "საქართველოს ძველი ხიდები", "აფხაზეთის საგზაო ნაგებობანი", "თბილისის ხიდები", "საქართველოს სამხედერო გზა", "გზათა მშენებლობა საქართველოში" და სხვა; მისი ნაშრომები დაბეჭდილია ქართულ, ინგლისურ და რუსულ ენებზე; ბოლო ფუნდამენტური მონოგრაფია "ნარკვევები საქართველოს სამხედრო გზის ისტორიიდან" გამოქვეყნდა 1996 წელს; 1940 წლიდან იყო საქართველოს გეოგრაფიული საზოგადოების ერთ-ერთი დამფუძნებელი და ხელმძღვანელი; აქტიურად მონაწილეობდა არა მარტო საქართველოს, არამედ საერთაშორისო სიმპოზიუმებსა და კონფერენციებში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.293-294; საქართველო: ენციკლოპედია: ტ. IV. -თბ., 2018.-გვ. 659-660

• საქართველოს საგზაო მშენებლობა (ავტორი). - თბილისი, საბჭოთა საქართველო, 1978. - 167გვ.
• გზათა მშენებლობა საქართველოში : უძველესი დროიდან მე-18 ს. დამლევამდე (ავტორი) // ნაწ.1. - თბილისი, განათლება, 1974. - 230გვ.
• საქართველოს ძველი ხიდები (ავტორი). - თბილისი, საბჭოთა საქართველო, 1972. - 197გვ.