ოთარ კვირიკაძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1947 წელს.

შრომითი საქმიანობა დაიწყო საბჭოთა კავშირის მიმოსვლის გზათა სამინისტროში ინჟინრად; მუშაობდა თბილისის რკინიგზის ტრანსპორტის ინჟინერთა ინსტიტუტის ხიდების და კონსტრუქციების, მასალათა გამძლეობისა და სამშენებლო მექანიკის კათედრებზე; 1960 წლიდან იყო საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტში წამყვან მეცნიერ-მუშაკად; 1981 წელს არჩეული იყო სამშენებლო მასალებისა და კონსტრუქციების ლაბორატორიული გამოცდის და შესწავლის საერთაშორისო კავშირის "რილემის" კომიტეტის წევრად; 1977 წელს მშენებლობის დარგში სოციალისტური სახელმწიფოების ეკონომიკური ურთიერთდახმარების საბჭოს ექსპერტად; იყო საშენი მასალების სიმტკიცისა და დეფორმაციული მახასიათებლების მეთოდების შედგენის მაღალკვალიფიციური სპეციალისტი 90 გამოქვეყნებული (მათ შორის საზღვარგარეთ) სამეცნიერო ნაშრომის ავტორი; მონაწილეობდა არაერთი მნიშვნელოვანი ობიექტის მშენებლობაში; მისი სამეცნიერო შრომები არაერთხელ იქნა აღნიშნული საქართველოს სახელმწიფო ჯილდოებით. ტექნიკის მეცნიერებატა დოქტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.295

• საართველოს მეცნიერებათა ეროვნული აკადემია, ნამდვილი წევრი

• საქართველოს დამსახურებული ინჟინერი

• ვხარჯოთ ცემენტი ეკონომიურად, დავამზადოთ ხარისხიანი ბეტონი (ავტორი). - თბილისი, მეცნიერება, 1999. - 56გვ.
• მასალათა გამძლეობის ლაბორატორიული სამუშაოები : სახელმძღვანელო სტუდენტებისთვის (თანაავტორი). - თბილისი, საქ. სას.-სამ. ინ-ტის გამ-ბა , 1953. - 36გვ.
• ტექნიკოსის ცნობარი (თანაავტორი). - თბილისი, ტექნიკა და შრომა, 1950. - 616გვ.