ირაკლი კიზირია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

1965-1971წწ. მუშაობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენში" უფროს ინჟინრად; 1971-1979წწ. საშენ მასალათა სამინისტროს სამეცნიერო-კვლევით ინსტიტუტში; 1979-1991წწ. საქართველოს სასოფლო მშენებლობის სამინისტროს მარნეულის სახლსაშენი კომბინატის დირექტორად; 1991-1999წწ. იყო მარნეულის გამგებლის პირველი მოადგილე; 1999 წლიდან - საქართველოს გაზის ტრანსპორტირების კომპანიის "საქტრანსგაზის" დაგეგმარებისა და მშენებლობის დეპარტამენტის უფროსი, შემდგომ კი კომპანიის ვიცე-პრეზიდენტი; მონაწილეობდა ქვემო ქართლის რეგიონში (რუსთავის, მარნეულის, ბოლნისის, დმანისის) მნიშვნელოვანი ობიექტების მშენებლობაში, ასევე, საჩხერის რაიონში სტიქიით დაზარალებული მოსახლეობისთვის ახალდასახლებებისა და სხვა სამოქალაქო-საყოფაცხოვრებო დანიშნულების ობიექტების მშენებლობაში; არის საქართველოში რაგბის ერთ-ერთი დამაარსებელი და ორგანიზატორი; წლების მანძილზე რაგბის ფედერაციის პრეზიდენტი; საქართველოს მორაგბეთა ნაკრების ყოფილი კაპიტანი; ფედერაციის საპატიო პრეზიდენტი; აქვს არაერთი სახელმწიფო და სპორტული ჯილდოები. არის ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.299-300; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.289

• საქართველოს მშენებელთა ფედერაცია, წევრი
• საქართველოს ოლიმპიური კომიტეტის ფედერაცია, წევრი

• 2001 - ღირსების ორდენი
• ღირსების მედალი
• საქართველოს სპორტის დამსახურებული ოსტატი