გივი კიკაჩეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი წყალმომარაგებისა და კანალიზაციის სპეციალობით 1951 წელს.

1964-1966წწ. მუშაობდა საპროექტო ინსტიტუტ "საქსახგიპროშახტში" და "საქქალაქმშენპროექტში" ინჟინერ-დამპროექტებლად, უფროს ინჟინრად, ჯგუფის ხელმძღვანელად, "საქქალაქმშენპროექტში" - განყოფილების უფროსად; 1966-1971წწ. საქართველოს ენერგეტიკის ს/კ ინსტიტუტში - უფროს მეცნიერ-მუშაკად; 1978-1992წწ. საქართველოს პოლიტექნიკური ინსტიტუტის წყალმომარაგებისა და კანალიზაციის კათედრის დოცენტი, საპროექტო ინსტიტუტ "საქსახკომუნმშენპროექტის" დირექტორი; 1982-2000წწ. ხელმძღვანელობდა საქართველოს ტექნიკური უნივერსიტეტის წყალმომარაგებისა და წყალარინების კათედრას; წყალმომარაგების სისტემების ოპტიმიზაციის მის მიერ შემუშავებულმა მეთოდმა დიდი პრაქტიკული გამოყენება ჰპოვა რიგ საპროექტო ინსტიტუტებში წყალმომარაგების სისტემების მშენებლობისა და რეკონსტრუქციის პროექტების დამუშავებაში; მას ეკუთვნის საქართველოს ქალაქებისა და რაიონული ცენტრების წყალმომარაგებისა და წყალარინების სისტემების მეცნიერული და საინჟინრო პრობლემების გადაწყვეტა; პროფესორი, ბიზნეს მეცნიერებათა აკადემიის აკადემიკოსი; გამოქვეყნებული ჰქონდა 65-ზე მეტი სამეცნიერო ნაშრომი, მათ შორის 7 მონოგრაფია და 4 სახელმძღვანელო. ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.300; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საქართველოს საინჟინრო აკადემია, წევრ-კორესპონდენტი

• 1998 - ღირსების მედალი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის
• ღირსების ორდენი
• საქართველოს დამსახურებული ინჟინერი

• წყლის მიწოდებისა და განაწილების სისტემების პარამეტრების ოპტიმიზაცია (თანაავტორი). - თბილისი, ტექნ. უნ-ტი, 2008. - 173გვ.
• წყალმომარაგების სისტემების ოპტიმალური პარამეტრების განსაზღვრის მეთოდები (თანაავტორი). - თბილისი, ტექნიკური უნ-ტის გამ-ბა, 2001. - 175გვ.
• წყალმომარაგება : ქსელი და მისი ნაგებობანი (ავტორი) // ნაწ.1. - თბილისი, ტექნ. უნ-ტი, 1999. - 205გვ.. - ISBN: 99928-36-07-5
• თბილისის წყალმომარაგების წარსული, აწმყო და მომავალი (ავტორი). - თბილისი, დიქსი, 1998. - 226გვ.
• მეთოდური მითითებები წყალსადენის ქსელის საკურსო პროექტის დასამუშავებლად : "წყალსადენის კანალიზაციის" სპეც. სტუდ. (ავტორი). - თბილისი, საქ. პოლიტექნ. ინ-ტი, 1969. - 35გვ.