
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ფორე მოსულიშვილი

Legal name:	ქრისტეფორე მოსულიშვილი
Other name:	მარშალო
Date of birth:	20 July, 1916
Date of death:	3 December, 1944 (at 28 years)
Burial location:	ქ. არონა, ჩრდილოეთ იტალია
Category:	Peoples Hero

Biography

დაბადების ადგილი: სოფელი ქვემო მაჩხაანი, სიღნაღის რაიონი.

საშუალო სკოლის დამთავრების შემდეგ მუშაობდა კოლმეურნეობაში, შემდეგ დაამთავრა ლაგოდეხის სასოფლო-სამეურნეო ტექნიკუმი.

1939 წლიდან იყო წითელ არმიაში; მეორე მსოფლიო ომის დროს დაიჭრა და გერმანელებმა დაატყვევეს; 1941-1943წწ. პოლონეთში, კრუშინოს ტყვეთა ბანაკშია, 1943 წლის ბოლოს საფრანგეთში, ხოლო 1944 წელს ჩრდილოეთ იტალიაში, ნოვარას პროვინციაში, გადაიყვანეს. ტყვეთა ბანაკში სხვა ქართველებიც იყვნენ. ფორემ და 70-მდე ქართველმა ბანაკიდან გაქცევა მოახერხეს და იტალიელ პარტიზანებს (ედო დელგატოს რაზმს) შეუერთდნენ. მოსულიშვილი მეთაურობდა ბატალიონ "Pepino"-ს, რომელშიც მასთან ერთად 27 სხვა ქართველი პარტიზანი იბრძოდა. რამოდენიმე წარმატებული ოპერაციის შემდეგ, 1944 წლის 3 დეკემბერს, სოფელ კოლონიასთან პარტიზანები გერმანელთა ალყაში მოხვდნენ (ფორეს გარდა იტალიელები და 6 ქართველი). მან მეთაურობა დაიბრალა და თავი მოიკლა, რითაც 16 პარტიზანს სიცოცხლე შეუნარჩუნა. 1970 წელს მიენიჭა იტალიის უმაღლესი ჯილდო, ოქროს მედალი (სიკვდილის შემდგომ) "მხედრული მამაცობისათვის" (d’Oro al Valor Militare alla Memoria). მისი სახელის ქუჩა არის იტალიაშიც და საქართველოშიც; 1979 წელს რეზო თაბუკაშვილმა გადაიღო ფილმი "ალპური ვარსკვლავი", რომელიც ეძღვნება მოსულიშვილის ხსოვნას. 1987 წლის 20 სექტემბერს, მაჯორეს ტბის ნაპირას ქ. ბელჯიხატეს ტერიტორიაზე, იქ სადაც, 1944 წლის 3 დეკემბერს გაიმართა საბედისწერო ბრძოლა, საზეიმოდ გაიხსნა ფორე მოსულიშვილის მემორიალური მუზეუმი. მაჩხაანში არის მისი მუზეუმი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.256

Awards and Honors

1990 - საბჭოთა კავშირის გმირი (სიკვდილის შემდგომ)