ზურაბ კიკნაძე

დაბადების ადგილი: ქ. ცხინვალი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1979 წელს.

მუშაობა დაიწყო საკავშირო დაქვემდებარების N34 "ხიდმშენ" რაზმში ტექნიკური განყოფილების ინჟინრად, შემდგომ სამშენებლო ობიექტებზე ოსტატად, სამუშაოთა მწარმოებლად; 1982-1983წწ. მონაწილეობდა "მარაბდა-ახალქალაქის" რკინიგზის ხაზის მშენებლობაში; 1988 წლიდან მუშაობდა საქართველოს საავტომობილო გზების სამინისტროს სისტემაში ხიდებისა და გვირაბების სამშენებლო კომბინატში უბნის უფროსად; 1989-1993წწ. იყო საწარმოო გაერთიანება "ავტოხიდის" მთავარი ინჟინერი; 1999-2000წწ. საწარმოო გაერთიანება "აჭარავტოგაზის" ხიდების სამშენებლო-სარემონტო უბნის უფროსი; 2000 წლიდან შპს "ზიმოს" გენერალური დირექტორია; მისი მონაწილეობით განხორციელდა სახიდე გადასასვლელების მშენებლობა მდ. არაგვზე, წიწამურის ხევზე ქ. მცხეთასთან, "თბილისი-ნატახტარის" საავტომობილო გზის მონაკვეთზე, მდ. ჭოროხზე "კახაბერი-სარფის" საავტომობილო გზის მონაკვეთზე, მდ. ლიახვზე, მდ. სვირის ხევზე "გორი-ცხინვალი-გუფთის" საავტომობილო გზის მონაკვეთზე; მონაწილეობდა მთიან აჭარაში და სვანეთის რეგიონში სტიქიით დაზიანებული ხიდების აღდგენით სამუშაოებში; მისი ხელმძღვანელობით აღდგენილია ათეულობით სახიდე გადასასვლელები მდ. სარფისწყალზე, მდ. ხიხაძირზე, მდ. ხევისწყალზე, მდ. მულხურაზე და სხვა; ხელმძღვანელობდა სახიდე გადასასვლელების მშენებლობას მდ. ენგურზე სოფ. ლიასთან (წალენჯიხის რაიონი), მდ. არაგვზე სოფ. ჭოპორტასთან (დუშეთის რაიონი); დაჯილდოებულია საქართველოს სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.304-305; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.90

• საქართველოს მეგზევეთა კავშირი, წევრი

• 2000 - ღირსების მედალი