ციალა ღუდუშაური

დაბადების ადგილი: ქ. თბილისი.

დაამთარა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1952 წელს.

1952 -1970წწ. მუშაობდა ქ. მოსკოვის იშვიათი ლითონების სამეცნიერო-კვლევთი ინსტიტუტის ანალიზური ქიმიის განყოფილებაში ჯგუფის ხელმძღვანელად. მის მიერ შემუშავდა და დაინერგა იშვიათ ლითონთა შენადნობების მრავალი მეთოდიკა. მან აქტიური წვლილი შეიტანა გეოლოგიის, მინერალოგიის და გამდიდრების განყოფილების თემატური სამუშაოების შესრულებაში. 1970 წელს ც. ღუდუშაური საქართველოს პოლიტექნიკური ინსტიტუტის ანალიზური ქიმიის კათედრაზე იწყებს მუშაობას. ის კითხულობს სალექციო კურსს ანალიზურ ქიმიაში და ანალიზის ფიზიკურ- ქიმიურ მეთოდებში, აგრძელებს სამეცნიერო-კვლევით საქმიანობას და პარალელურად სახელმძღვანელოების შექმნაზეც მუშაობს. 1993 წელს მან გამოსცა პირველი ქართულენოვანი დამხმარე სახელმძღვანელო "თვისებითი ანალიზის მჟავურ-ტუტიანი მეთოდი". 1995 წლიდან ის ზოგადი ქიმიის დეპარტამენტის ასოცირებული პროფესორია. გამოქვეყნებული აქვს 60-ზე მეტი სამეცნიერო ნაშრომი, მონაწილეობას ღებულობდა ადგილობრივ და საერთაშორისო სამეცნიერო კონფერენციებში. ც. ღუდუშაური წლების მანძილზე ასრულებდა ანალიზური ქიმიის კათედრის გამგის მოადგილის მოვალეობას. ის სტუ-ს ქალთა საბჭოს ერთ-ერთი დამფუძნებელია. ტექნიკურ მეცნიერებათა კანდიდატი (1973).

წყარო: საქართველოს ინჟინერი ქალები.- თბილისი.-2008.- გვ.179-180

• საქართველოს ეკოლოგიურ მეცნიერებათა აკადემია, წევრ-კორესპოდენტი (1995-)

• თვისებითი ანალიზის მჟავურ-ფუძოვანი მეთოდი : მონოგრაფია (თანაავტორი). - თბილისი, სტუ, 2014. - 307გვ.. - ISBN: 978-9941-20-435-7
• ანალიზის ფიზიკურ-ქიმიური მეთოდები : სახელმძღვანელო სტუდენტებისათვის (ავტორი). - თბილისი, სტუ, 2008. - 340გვ.. - ISBN: 978-9941-14-291-8
• ანალიზის ფოტომეტრიული მეთოდები : დამხმ. სახელმძღვ. (ავტორი). - თბილისი, სტუ, 2000. - 53გვ.. - ISBN: 99928-78-59-2