იური კირკიტაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამთო ფაკულტეტი.

1966-1972წწ. მუშაობდა საქართველოს მშენებლობის სამინისტროს N3 სამსენებლო ტრესტ "თბილმრეწვმშენის" ოსტატად, სამუშაოთა მწარმოებლად; 1972-1973წწ. თბილისის საქალაქო საბჭოს აღმასკომის სამშენებლო ტრესტ "ინჟმშენის" N1 სამშენებლო სამმართველოს უფროსად; 1973-1974წწ. იყო ქ. თბილისის ვაჭრობის სამმართველოს უფროსის მოადგილე მშენებლობის დარგში; 1976-1987წწ. ტრესტ "ინჟმშენის" მმართველი; 1987-1992წწ. ტრესტ "საქგაზმშენის" მმართველის მოადგილე; მუშაობდა საქართველოს მინისტრთა საბჭოს სამეურნეო სამმართველოს სამშენებლო-სამრეწველო გაერთიანების გენერალურ დირექტორად; მონაწილეობდა უნივერმაღ "თბილისის", ალ. გრიბოედოვის სახელობის სახელმწიფო რუსული დრამატული თეატრის, თვალის რესპუბლიკური კლინიკის, საცურაო აუზ "ლაგუნა ვერეს" (მიენიჭა სსრკ მინისტრთა საბჭოს პრემია) და სხვა მნიშვნელოვანი ობიექტების მშენებლობასა თუ რეკონსტრუქციაში; იყო თბილისის საქალაქო საბჭოს ორი მოწვევის დეპუტატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.310

• წითელი დროშის ორდენი