ამირან კირტავა

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამთო საწარმოთა მშენებლობის სპეციალობით 1948 წელს.

1948-1949წწ. მუშაობდა უკრაინაში ქვანახშირის მრეწველობის სამინისტროს N2 ტრესტ "უკრუგოლშახტასტროის" სამუშაოთა მწარმოებლად; 1949-1953წწ. სამშენებლო ტრესტ "ტყიბულშახტმშენში" სამუშაოთა მწარმოებლად, ტექნიკური განყოფილების უფროს ინჟინრად; 1953-1961წწ. სამშენებლო სამმართველო "გელათშახტმშენში" ტექნიკური განყოფილების უფროსად; 1961-1968წწ. იყო საქართველოს მშენებლობის სამინისტროს N4 სამშენებლო ტრესტის N9 სამმართველოს მთავარი ინჟინერი, სამმართველოს უფროსი; 1968 წელს დაინიშნა N4 სამშენებლო ტრესტის მთავარ ინჟინრად, 1974 წელს - მმართველად; 1977 წელს სათავეში ჩაუდგა ქუთაისის საავტომობილო ქარხნის კაპიტალური მშენებლობის სამმართველოს; ხელმძღვანელობდა იმერეთში წისქვილკომბინატების, რკინიგზის ქარხნის, სახლმშენებელი კომბინატის და სხვა მნიშვნელოვანი სამრეწველო თუ საბინაო, კულტურულ-საგანმანათლებლო და ჯანდაცვის ობიექტების მშენებლობას; დაჯილდოებულია სახელმწიფო საიუბილეო მედლით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.310

• საქართველოს დამსახურებული ინჟინერი