შალვა კიტოვანი

დაბადების ადგილი: ქ. ქუთაისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1948 წელს; 1957 წელს ამავე ინსტიტუტის ასპირანტურა.

1948-1953წწ. მუშაობდა რესპუბლიკის სხვადასხვა მშენებარე ობიექტებზე უფროს სამუშაოთა მწარმოებლად; 1956-1960წწ. თბილისის რკინიგზის ტრანსპორტის ინჟინერთა ინსტიტუტის გვირაბების კათედრაზე - მასწავლებლად, დოცენტად; 1960-1963წწ. იყო საქართველოს მშენებლობის სამინისტროს N9 სამშენებლო ტრსტში მთავარი ინჟინერი, მმართველი; 1966 წლიდან დაინიშნა საქართველოს სასოფლო მშენებლობის მინისტრის პირველ მოადგილედ; დიდი წვლილი აქვს შეტანილი საქართველოში სასოფლო-სამეურნეო დანიშნულების, გადამამუშავებელი მრეწველობის, სოფლად სოციალური სფეროს ობიექტების მშენებლობასა და საინჟინრო კადრების მომზადებაში. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.312

• საპატიო ნიშნის ორდენი