რევაზ კლდიაშვილი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი ჰიდრონაგებობათა მშენებლობის სპეციალობით 1945 წელს.

1945-1952წწ. მუშაობდა ტრესტ "ხრამჰესმშენის" ინჟინრად; 1952-1956წწ. - "გუმათჰესის" მშენებლობის საწარმოო-ტექნიკური განყოფილების უფროსად; 1956-1961წწ. "ლაჯანურჰესის" მშენებლობის მთავარ ინჟინრად; 1961-1963წწ. მშენებარე ენგურის ჰესების კასკადის მშენებლობის დირექტორად; 1963-1976წწ. იყო საქართველოს კომუნალური მეურნეობის სამინისტროს სამშენებლო-სარემონტო ტრესტ "საქკომუნრემმშენის" მთავარი ინჟინერი და  შემდგომ მმართველი, საქართველოს მინისტრთა საბჭოს კაპიტალური მშენებლობის სამმართველოს მთავარი ინჟინერი; 1976 წლიდან მშენებარე ობიექტების გაერთიანებული დირექციის დირექტორი; დაჯილდოებული იყო საქართველოს უმაღლესი საბჭოს პრეზიდიუმის საპატიო სიგელებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.312

• საქართველოს დამსახურებული ინჟინერი