სიმონ სურგულაძე

დაბადების ადგილი: სოფელი ლიხაური, ოზურგეთის მაზრა.

მიიღო საშინაო განათლება. მუშაობდა ბათუმში, სადაც ჩაება სოციალ-დემოკრატიულ მოძრაობაში. იყო რუსეთის სოციალ-დემოკრატიული მუშათა პარტიის წევრი. მონაწილეობდა ბათუმში გამართულ მუშათა ორგანიზებულ გაფიცვებსა და დემონსტაციებში. აქტიურად მონაწილეობდა 1905 წლის რევოლუციურ მოძრაობაში გურიაში. რევოლუციის დამარცხების და მეფის ხელისუფლების მიერ "შავი რეაქციის" დაწყების და რეპრესიების პერიოდში - 1906-1908 წლებში აგრძელებდა იატაკქვეშა საქმიანობას აჭარა-გურიაში. იყო ლიხაურის შეიარაღებული წითელი რაზმის მეთაური, გურიის საიდუმლო სამხედრო ორგანიზაციის წევრი. 1919 წლის 12 მარტიდან არჩეული იყო საქართველოს რესპუბლიკის დამფუძნებელი კრების წევრად საქართველოს სოციალ-დემოკრატიული მუშათა პარტიის სიით. 

წყარო: საქართველოს დამფუძნებელი კრება 1919. -თბ., 2016.-გვ.370

• რუსეთის სოციალ-დემოკრატიული მუშათა პარტია, წევრი
• საქართველოს რესპუბლიკის დამფუძნებელი კრება, წევრი (1919-)
• გურიის საიდუმლო სამხედრო ორგანიზაცია, წევრი
• ლიხაურის შეიარაღებული წითელი რაზმი, მეთაური