აკაკი ოთხმეზური

დაბადების ადგილი: ქუთაისის გუბერნია, ოზურგეთის მაზრა.

განათლება შინ მიიღო. ტფილისის იუნკერთა სასწავლებელში ჩააბარა გამოცდა მეორე თანრიგის მოხალისეს წოდებით 1892 წელს; ამავე წლიდან მსახურობდა ქართულ გრენადერთა პოლკში მეორე თანრიგის მოხალისეს წოდებით; 1894 წელს დაამთავრა პოლკის სასწავლო კურსები; 1894 წლიდან უნტერ-ოფიცერი; არაერთხელ (1894, 1895, 1896) იქნა სასწავლებლად გაგზავნილი ტფილისის ქვეით იუნკერთა სასწავლებელში, მაგრამ ყოველთვის აბრუნებდნენ ურჩი ხასიათის გამო; ჩააბარა გამოცდა ოფიცერის წოდების მისაღებად ტფილისის ქვეით იუნკერთა სასწავლებელში 1897 წელს; მიენიჭა პოდპრაპორშიკის წოდება და  დაინიშნა გრენადერთა მე-14  ქართულ პოლკში; 1900 წლიდან პოდპორუჩიკი; 1908-1910წწ. იმავე პოლკის შტაბს-კაპიტანი; 1914 წლიდან კაპიტანი; პირველი მსოფლიო ომის მონაწილე; 1915 წლიდან პოდპოლკოვნიკი; 1916 წლიდან პოლკოვნიკი, თავისი პოლკის მე-3 ბატალიონის მეთაური; დაიღუპა ბრძოლის ველზე.

წყარო: რუსეთის იმპერატორის არმიის ოფიცრების (РИА) ვებ-გვერდი: ria1914.info; საქართველოს ნეკროპოლი: geonecropol.com

• 1917 - წმინდა გიორგის IV ხარისხის ორდენი (სიკვდილის შემდგომ)
• 1916 - წმინდა სტანისლავის III ხარისხის ორდენი ( ხმლებითა და ბანტით)
• 1916 - წმინდა ანას II ხარისხის ორდენი (ხმლებით)
• 1916 - წმინდა ანას IV ხარისხის ორდენი
• 1915 - წმინდა ანას III ხარისხის ორდენი (ხმლებითა და ბანტით)
• 1914 - წმინდა სტანისლავის II ხარისხის ორდენი (ხმლებით)
• 1906 - წმინდა ვლადიმირის IV ხარისხის ორდენი