დემურ კოვზირიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1967 წელს.

1967-1968წწ. მუშაობა დაიწყო ამიერკავკასიის საპროექტო ინსტიტუტ "კავჰიპროტრანსში" განყოფილების ინჟინრად; 1968 წლიდან მუშაობდა საქართველოს სასოფლო მშენებლობის სამინისტროს N1 სამშენებლო ტრესტის უფროს ინჟინრად, სამუშაოთა მწარმოებლად; 1984-1986წწ. იყო ამავე ტრესტის მოძრავ-მექანიზებული კოლონის მთავარი ინჟინერი, უფროსი და ტრესტის მმართველი; 1986 წლიდან გადაიყვანეს რესპუბლიკურ გაერთიანება "საქაგრომშენში" თავმჯდომარის მოადგილედ; 1991 წლიდან სააქციო საზოგადოება ბიზნესცენტრ "სოფმშენის" სამეთვალყურეო საბჭოს თავმჯდომარეა; მონაწილეობდა ნორიოს, კოდის და გამარჯვების მეფრინველეობის ფაბრიკების, კრწანისსა და კინდღის (აფხაზეთში) უმსხვილესი სასათბურე მეურნეობის, ჯანდარისა და უდაბნოს მსხვილფეხა საქონლის კომპლექსების, საკონსერვო და ღვინის ქარხნების, საცხოვრებელი სახლებისა და კომპლექსური დასახლებების მშენებლობაში (როგორც დასავლეთ, ისე აღმოსავლეთ საქართველოს სტიქიით დაზარალებული მოსახლეობისათვის); აქტიურად იყო ჩართული ძველი თბილისის სარესტავრაციო სამუშაოებში, რესტორან "თბილისურის" და კულტურულ-სოციალური დანიშნულების რიგი ობიექტების მშენებლობაში; აქვს არაერთი სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.315-316; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული მშენებელი
• ღირსების ორდენი