დოდო ჩხიკვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1953 წელს და ამავე ინსტიტუტის ასპირანტურა 1959 წელს.

1953-1956წწ. მუშაობდა შამპანური ღვინოების ქარხანაში გლიფტალის საამქროს უფროსად. 1956-1959წწ. სწავლობდა ასპირანტურაში ელექტროქიმიური ტექნოლოგიის სპეციალობით. 1956-1968წწ. ის მუშაობდა საქართველოს მეცნიერებათა აკადემიის არაორგანული ქიმიის ინსტიტუტში. 1968 წელს მან პოლიტექნიკური ინსტიტუტის ელექტროქიმიური ტექნოლოგიის კათედრაზე დაიწყო მუშაობა დოცენტად, ხოლო 1999 წლიდან ამავე კათედრის პროფესორია. 1970-1980წწ. დ. ჩხიკვაძე იყო ქიმიური და კვების ტექნოლოგიის ფაკულტეტის დეკანი, ხარისხების მიმნიჭებელი საბჭოს თავმჯდომარე, სტუ-ს დიდი და სამეცნიერო საბჭოების სწავლული მდივანი (1980-1993).  ის მრავალგზის იყო რაიონული საბჭოების დეპუტატი, აღმასკომის წევრი. 1974 წელს მისი ინიციატივით შეიქმნა სპი-ის ქალთა საბჭო, რომელიც შემდგომ ჩამოყალიბდა ქალთა ასოციაციად, რომელსაც უცვლელად ხელმძღვანელობდა. ის ახალგაზრდობაში სპორტით იყო გატაცებული და 1946-1947წწ. მოსკოვში გამართულ საკავშირო სპორტულ პარადებში მონაწილეობდა. მიღებული აქვს პეტრე მელიქიშვილის სახელობის მედალი და ვარშავის პოლიტექნიკური ინსტიტუტის დიდი მედალი. ინჟინერ-ტექნოლოგი, ტექნიკის მეცნიერებათა კანდიდატი (1966). სადისერტაციო თემა - "მანგანუმის ღარიბი მადნების ელექტროქიმიური გამდიდრება".

წყარო: საქართველოს ინჟინერი ქალები.- თბილისი.-2008.- გვ. 195-197; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.112

• 1998 - ღირსების მედალი
  საქართველოში ტექნიკური მეცნიერების განვითარებაში შეტანილი განსაკუთრებული წვლილისა და სამეცნიერო კადრების მომზადების საქმეში დიდი დამსახურებისათვის

• მეთოდური მითითებები საკურსო და სადიპლომო პროექტების შესასრულებლად ჰიდროელექტრომეტალურგიაში (Compiler) // ნაწ. 1. - თბილისი, სტუ, 1998. - 60გვ.