ინეზა წერეთელი

დაბადების ადგილი: ქ. ქუთაისი.

დაამთავრა საქართველოს სუბტროპიკული მეურნეობის ინსტიტუტი 1971  წელს, ქუთაისის პოლიტექნიკური ინსტიტუტის კვების ტექნოლოგიის ფაკულტეტი 1979 წელს  და საქართველოს მეცნიერებათა აკადემიის ეკონომიკისა და სამართლის ინსტიტუტის ასპირანტურა 1987 წელს.

1988-2006წწ. ქუთაისის უნივერსიტეტის ეკონომიკის კათედრაზე ჯერ უფროს მასწავლებლად, ხოლო  შემდეგ დოცენტად მუშაობდა. 1990 წელს მან ბულგარეთში, სოფიის ეკონომიკის ინსტიტუტში გაიარა სტაჟირება. 1993 წელს ის უნივერსიტეტის  ეკონომიკისა და ფინანსების განყოფილების უფროსად დაინიშნა. 1996-2006წწ. არჩეული იყო ჰუმანიტარულ-ეკონომიკური და სამართლის ინსტიტუტის დირექტორად. 2004 წლიდან ი. წერეთელს საქართველოს ეკონომიკური განათლებისა და განვითარების ცენტრის (CEED) დასავლეთ საქართველოს რეგიონალური ცენტრის ხელმძღვანელის თანამდებობა უკავია. 2006 წლიდან კი ქუთაისის აკ. წერეთლის სახ. უნივერსიტეტის ეკონომიკის დეპარტამენტის პროფესორია. მას გამოქვეყნებული აქვს მრავალი სამეცნიერო ნაშრომი და რამდენიმე სახელმძღვანელო.

წყარო: საქართველოს ინჟინერი ქალები.- თბილისი.-2008.- გვ. 199-200

• საერთაშორისო სამეცნიერო-პრაქტიკული ინტერნეტ-კონფერენცია რეგიონალური ტურიზმის პრობლემები და განვითარების პერსპექტივები : შრომების კრებული (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2017. - 171გვ.. - ISBN: 9789941459344
• ბიზნესის საფუძვლები : სალექციო კურსი (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2014. - 236გვ.. - ISBN: 978-9941-453-12-0