გიორგი ამირეჯიბი

დაბადების ადგილი: სოფელი საღოლაშენი, გორის მაზრა.

იმდროინდელი ქართველი საზოგადოებისათვის ცნობილი ოჯახის შვილი იყო. სანქტ-პეტერბურგში მიიღო სამხედრო განათლება. 1917 წლამდე მსახურობდა მე-20 საარტილერიო ბრიგადაში. მონაწილეობდა (1914-1918) წლების პირველ მსოფლიო ომში. 1918-1919 წლებში მსახურობდა ქართულ ჯარში. ტუაფსეს აღებისათვის პოლკოვნიკ გიორგი ამირეჯიბს განსაკუთრებული დამსახურებისათვის, სამხედრო მინისტრის გრიგოლ გიორგაძის №3489 ბრძანებით  მიენიჭა გენერალ-მაიორის წოდება.

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.13