ზურაბ კოპალაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1961 წელს.

1962-2003წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში", პროექტის მთავარ არქიტექტორად; 2003-2006წწ. საქაქრთველოს არქიტექტორთა კავშირთან არსებულ შპს "საქარქფონდში" პროექტის მთავარ არქიტექტორად; 2006 წლიდან სს "გორგასლის" მთავარი არქიტექტორია; პროფესიული საქმიანობის სხვადასხვა ეტაპზე მონაწილეობდა სხვადასხვა დანიშნულების შენობა-ნაგებობების (საცხოვრებელი სახლები, სავაჭრო ცენტრები, სასტუმროები, საერთო საცხოვრებელი და ა.შ.) არქიტექტურული ნაწილის პროექტირებაში; 1964 წელს მის ნამუშევართა შორისაა თბილისის რკინიგზის სადგურის რეკონსტრუქცია; 1965 წელს 280-ადგილიანი ტურბაზა ვარძიაში; 1970 წელს საცხოვრებელი სახლის პროექტი ენგურჰესზე; 1966 წელს გმირთა მოედნის რეკონსტრუქცია თბილისში; 1970 წელს თსუ-ს გენგეგმის პროექტი; 1985 წელს თსუ-ს ცენტრალური სამეცნიერო ბიბლიოთეკა (5 მლნ. ტომზე) 1980 წელს თსუ-ს დახურული მძლეოსნობის მანეჟი და სტადიონი; 1988 წელს ფეხბურთის მოყვარულთა კლუბი ვერის პარკში და მრავალი სხვა; დაჯილდოებულია არაერთი საკონკურსო პრემიით, ასევე, მინიჭებული აქვს საქართველოს მინისტრთა საბჭოს ლაურეატის წოდება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.318; საქართველოს არქიტექტორთა კავშირის ფეისბუქ გვერდი: m.facebook.com; საქართველო: ენციკლოპედია: ტ.5. -თბ.,2023. -გვ. 168