ნანი ხუნდაძე

დაბადების ადგილი: ქ. მცხეთა.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი და თსუ-ს ასპირანტურა საძიებო გეოფიზიკის სპეციალობით 1977 წელს.

1972-1975წწ. მუშაობდა საქნავთობ "გეოფიზიკის" კონსულტანტად; 1976-1985წწ. თბილისის სახელმწიფო უნივერსიტეტის გეოგრაფია–გეო­ლო­გიის ფაკულტეტის ძიების გეოფიზიკური მეთოდების კათედრის უმცროსი მეცნიერ–თა­ნა­მ­შრომელად; 1985-1992წწ. საქართველოს პოლიტექნიკური ინსტიტუტის გეოლოგიური ფა­კულტეტის ნავთობისა და გაზის საბადოების ძიების და დამუშავების კათედრის დოცენტად; 1990-1992წწ. საქართველოს პოლიტექნიკური ინსტიტუტის  გეოლოგიური ფაკულტეტის დეკანის მოადგილედ; 1992 წლიდან საქართველოს ტექნიკური უნივერსიტეტის სამთო-გეოლოგიური ფაკულტეტის ნავთობისა და გაზის საბადოების ძიებისა და დამუშავების კათედრის გამგედ; 2005-2006წწ. გაზის საერთაშორისო კორპორაციის სამეთვალყურეო საბჭოს თავმჯდომარედ. 2006 წელს იყო "ყაზტრანსგაზ-თბილისი"–ს გენერალური დირექტორის მრჩეველი. 2006 წლიდან სამთო- გეოლოგიური ფაკულტეტის ნავთობისა და გაზის საბადოების ძიებისა და დამუშავების კათედრის სრული პროფესორია; 2007 წლიდან  საქართველოს ტექნიკური უნივერსიტეტის ნავთობისა და გაზის საბადოების დამუშავება, ნავთობგაზსადენებისა და ნავთობგაზსაცავების ექსპლუატაციის მიმართულების ხელმძღვანელი და სამთო-გეოლოგიური ფაკულტეტის დეკანის მოადგილეა. 2002 წლიდან არის ჟურნალის "საქართველოს ნავთობი და გაზი" რედკოლეგიის წევრი. გამოქვეყნებული აქვს 55  სამეცნიერო შრომა, მათ შორის 4 სახელმძღვანელო. ინჟინერ-გეოლოგ-გეოფიზიკოსი. გეოლოგია-მინერალოგიის მეც­ნიერებათა კანდიდატი (1983).

წყარო: საქართველოს ინჟინერი ქალები.- თბ.,2008.- გვ. 214-215

• უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას : სახელმძღვ. (თანაავტორი) // ნაწ.1. - თბილისი, სტუ, 2013. - 618გვ.. - ISBN: 978-9941-20-241-4
• უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას : სახელმძღვ. (თანაავტორი) // ნაწ.2. - თბილისი, სტუ, 2013. - 661გვ.. - ISBN: 9789941202438
• სარეწაო გეოფიზიკა (თანაავტორი) // ნაწ. 1. - თბილისი, სტუ, 2004. - 115გვ.. - ISBN: 9994035193