ზურაბ ჭუბაბრია

დაამთავრა თბილისის სახელმწიფო უნივერსიტეტის ქართული ფილოლოგიის ფაკულტეტის ჟურნალისტიკის განყოფილება 1970 წელს.

1970-1972 წწ. იყო თბილისის სახელმწიფო უნივერსიტეტის რექტორის თანაშემწე; 1972-1973 წწ. კინემატოგრაფიის სახელმწიფო კომიტეტის თავმჯდომარის თანაშემწე; 1973-2005 წწ. საქართველოს სამეცნიერო-პოპულარული და დოკუმენტური ფილმების სტუდიის რედაქტორი, უფროსი რედაქტორი, მთავარი რედაქტორი; ავტორია დოკუმენტური ფილმების სცენარებისა: "ელისო ვირსალაძე" (1973), "წიგნი უპირველესი" (ეძღვნება დიდი ქართველი საზოგადო მოღვაწის, პედაგოგის, განმანათებლის, იაკობ გოგებაშვილის "დედა ენის" 100 წლისთავს, 1977), "კინემანოგრაფი" (1979), "ვიქტორ დოლიძე" - 100 (1991), "ხელოვანი" (ეძღვნება დიდ ქართველ მწერალს, კონსტანტინე გამსახურდიას), "მარშალი გელოვანი" (ეძღვნება საბჭოთა სამხედრო მშენებლობის ისტორიაში საინჟინრო ჯარების პირველ მარშალ - არჩილ გელოვანს). მისი მოთხრობები იბეჭდებოდა ჟურნალ "ცისკარში": "კონცერტი", "კატის კნუტი", "ფერად ტელევიზორთან"(ცისკარი,  1975, N4, გვ.65-74), "ვარიაციები კლასიკოსის თემაზე", "რაიონული ცენტრი", "პანტიკო", "მთვრალები" (ცისკარი, 1992, N7, გვ.10-18), "ეშმაკა", "გაყიდული ხატი", "ამხანაგი დავითი" (ცისკარი, 1997, N7, გვ.31-40), "იქ, ჩემს ქალაქში" (ცისკარი, 1999, N8, გვ.18-27), "სახლი საქვაბის ჩიხში"- ნაწყვეტი რომანიდან (ცისკარი, 2003, N5-6, გვ.65-69); ავტორია რომანისა: "ბრწყინვალე ჩონჩხები". სცენარისტი.

წყარო: ეროვნული ფილმოგრაფიის პორტალი: geocinema.ge

• საქართველოს კინომატოგრაფისტთა შემოქმედებითი კავშირი, წევრი
• საქართველოს მწერალთა კავშირი, წევრი
• საქართველოს სპორტულ ჟურნალისტთა კავშირი, წევრი

• ბრწყინვალე ჩონჩხები : რომანი, მოთხრობები (ავტორი). - თბილისი, მერანი, 1995. - 400გვ.