ვლადიმერ კრავცოვი

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა სპეციალობით 1942 წელს.

1938-1956წწ. მუშაობდა სამშენებლო ტრესტ "საქჰიდროენერგომშენის", "ხრამჰესმშენის" სამუშაოთა მწარმოებლად, უფროს სამუშაოთა მწარმოებლად, უბნის უფროსად, მთავარ ინჟინრად; 1956-1993წწ. სამშენებლო სამონტაჟო ტრესტ "კავკასელექტროქსელმშენის" განყოფილების უფროსად, უბნის მთავარ ინჟინრად, საშენ მასალათა კომბინატის მთავარ ტექნოლოგად; მნიშვნელოვანი წვლილი აქვს შეტანილი "ხრამჰესის", კავკასიის ფრონტის საფორტიფიკაციო ობიექტების (სამამულო ომის დროს), მაღალი ძაბვის ელექტროგადამცემი ხაზების და სამრეწველო დანიშნულების ობიექტების მშენებლობაში; იყო მრავალი ორდენისა და მედლის კავალერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.324

• საქართველოს დამსახურებული ინჟინერი