ვლადიმერ კუკულავა

დაბადების ადგილი: ქ. სოხუმი.

დაამთავრა თბილისის ინდუსტრიული ინსტიტუტი ჰიდროტექნიკურ ნაგებობათა სპეციალობით 1937 წელს.

1937-1939წწ. მუშაობდა სოხუმის ჰიდროელექტროსადგურის ინჟინრად, ცვლის უფროსად; 1939-1943წწ. სოხუმის საქალაქო საბჭოს აღმასკომის თავმჯდომარის მოადგილედ; 1943-1952წწ. აფხაზეთის ასსრ შინაგან საქმეთა სამინისტროს სისტემაში საპასუხისმგებლო თანამდებობებზე სპეციალობის მიხედვით; 1953 წელს დაინიშნა თბილისის ელექტრომექანიკური ქარხნის დირექტორად; 1955-1961წწ. მუშაობდა თბილისის საქალაქო საბჭოს აღმასკომის კეთილმოწყობის სამმართველოს მთავარ ინჟინრად, საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" მმართველის მოადგილედ; 1962-1979წწ. საკავშირო დაქვემდებარების ტრესტ "სოიუზლიფტმონტაჟის" ამიერკავკასიის სამონტაჟო სამმართველოს უფროსად; მონაწილეობდა ამიერკავკასიისა და ჩრდილოეთ კავკასიის საბაგირო გზების მშენებლობა-დამონტაჟებაში; ხელმძღვანელობდა თბილისის საცხოვრებელი სახლებისა და საზოგადოებრივ-ადმინისტრაციული დანიშნულების შენობებში სპეციალიზებული სამუშაოების შესრულებას; დაჯილდოებული იყო სხვადასხვა სიგელებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.325

• შრომის წითელი დროშის ორდენი
• საქართველოს დამსახურებული ინჟინერი