პეტრე გრუზინოვი

რუსეთის სამეფო კარზე დაწინაურებული სამხედრო მოღვაწე, ევგრაფი გრუზინოვის უმცროსი ძმა, წარმოშობით ქართველი, რომან ნამჩევაძის შვილიშვილი. კაზაკთა ლაიბგვარდიის პოლკოვნიკი. თავი გამოიჩინა ოჩაკოვისა და რიმნიკის ბრძოლების დროს, რისთვისაც დააჯილდოვეს წმინდა გიორგის ჯვრითა და ოქროს ჯვრით. მონაწილეობდა პოლონეთის 1794–1796 კამპანიაში. 1798 წელს აპრილში დააპატიმრეს და ძმასთან, ევგრაფთან, ერთად გადაასახლეს ჩერკასკში. 1800 წელს 27 ოქტომბერს სიკვდილით დასაჯეს რამდენიმე კაზაკ ოფიცერთან ერთად.

წყარო: საქართველო : ენციკლოპედია: georgianencyclopedia.ge