ვასილ კუპრაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო-სამოქალაქო მშენებლობის სპეციალობით 1963 წელს.

1957 წლიდან მუშაობას იწყებს საქართველოს კომუნალური მეურნეობის სამინისტროს ბათუმის სარემონტო-სამშენებლო კანტორაში მშენებელ ოსტატად; 1958-1959წწ. ამავე სისტემაშია გარდაბანსა და გორში, ხოლო 1960 წლიდან საპროექტო ინსტიტუტ "საქგიპროშახტის" ტექნიკოს-ინჟინერი იყო; 1963-1965წწ. მუშაობს საქართველოს მშენებლობის სამინისტროს სამშენებლო გაერთიანება "მთავართბილმშენის" N6 სამშენებლო სამმართველოში სამუშაოთა მწარმოებლად; 1965 წლიდან სამშენებლო ტრესტ "საქკოოპმშენის" ტექნიკური განყოფილების ინჟინერი იყო, შემდგომ გურჯაანის N2 სამშენებლო სამმართველოში სამუშაოთა მწარმოებელი, მთავარი ინჟინერი; 1969-1972წწ. - სამმართველოს უფროსი; 1972-1974წწ. საქართველოს მშენებლობის სამინისტროს N2 სამშენებლო ტრესტის გურჯაანის N6 სამშენებლო სამმართველოს უფროსია; 1974-1975წწ. გურჯაანის საპროექტო ბიუროს უფროსი; 1975 წელს დაინიშნა საქართველოს სასოფლო მშენებლობის სამინისტროს N4 სამშენებლო ტრესტის მთავარ ინჟინრად; 1977 წელს ტრესტის მმართველად; 1996 წლიდან იყო სააქციო საზოგადოება "ალაზნის" გენერალური დირექტორი; მნიშვნელოვანი წვლილი აქვს შეტანილი კახეთში სამრეწველო, სამოქალაქო და სასოფლო დანიშნულების ობიექტების მშენებლობაში; მისი უშუალო ხელმძღვანელობით აშენდა ღვინის ქარხნები წითელწყაროში, დედოფლისწყაროში, გურჯაანში, ყვარელში და ველისციხეში. ახალი სოფლები - სამთაწყარო და ფიროსმანი, ქ. თბილისში, ცხინვალის, საჩხერის და მარნეულის რაიონებში საცხოვრებელი სახლები და საყოფაცხოვრებო დანიშნულების ობიექტები.   

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.326

• 1981 - შრომის წითელი დროშის ორდენი